Airtel 5G Plus: भारती एअरटेलने (Bharti Airtel) आजपासून म्हणजेच 6 ऑक्टोबरपासून देशात Airtel 5G Plus सेवा सुरू केली आहे. Airtel 5G Plus दिल्ली, मुंबई, चेन्नई, बेंगळुरू, हैदराबाद, सिलीगुडी, नागपूर आणि वाराणसी या पहिल्या आठ शहरांमध्ये लॉन्च करण्यात आले आहे.
कंपनीने सांगितले की 5G प्लस सेवांचा लाभ घेण्यासाठी ग्राहकांना त्यांचे सिम कार्ड बदलण्याची आवश्यकता नाही कारण 5G नेटवर्क फक्त विद्यमान एअरटेल 4G सिममध्ये वापरता येऊ शकते. भारती एअरटेलचे व्यवस्थापकीय संचालक आणि सीईओ गोपाल विट्टल यांनी Airtel 5G Plus लाँच करताना सांगितले की, आमची 5G सेवा ग्राहकांकडे असलेल्या कोणत्याही 5G हँडसेट आणि विद्यमान सिम कार्डवर काम करेल. वापरकर्त्याचा अनुभव आणखी वाढवण्यासाठी आम्ही 5G सेवा सुरू केली आहे आणि ती पर्यावरणपूरक देखील आहे.
विट्टल म्हणाले, Airtel 5G Plus लोकांच्या कम्युनिकेशन, जगण्याच्या, कामाच्या, कनेक्ट होण्याच्या आणि खेळण्याच्या पद्धती पुढील वर्षांमध्ये पुन्हा परिभाषित करण्यासाठी सज्ज आहे. Airtel 5G Plus हे तंत्रज्ञानावर चालते जे जगातील सर्वात विकसित इकोसिस्टम असल्याचे म्हटले जाते.
हे सुनिश्चित करेल की भारतातील सर्व 5G स्मार्टफोन एअरटेल नेटवर्कवर अखंडपणे काम करतात. Airtel 5G Plus सह वापरकर्ते हाय-डेफिनिशन व्हिडीओ स्ट्रीमिंग, गेमिंग, मल्टिपल चॅटिंग, फोटो जलद अपलोड करू शकतील.
20-30 पट अधिक गती मिळेल
Airtel ने दावा केला आहे की 5G Plus सह वापरकर्त्यांना सध्याच्या इंटरनेट स्पीडपेक्षा 20-30 पट जास्त स्पीड मिळेल. वापरकर्त्यांना कॉलिंग दरम्यान स्पष्ट आवाजासह सुपर फास्ट कॉल कनेक्टची सुविधा देखील मिळेल. कंपनीने असेही म्हटले आहे की 5G Plus सेवांचा लाभ घेण्यासाठी ग्राहकांना त्यांचे सिम कार्ड बदलण्याची गरज नाही, ते फक्त विद्यमान Airtel 4G सिममध्ये 5G नेटवर्क वापरू शकतात.
हा प्लॅनचा खर्च असेल
कंपनीच्या म्हणण्यानुसार, सध्या ग्राहकांना 4G प्लॅनच्या किंमतीवर 5G वापरता येणार आहे. म्हणजेच, जर तुमच्या फोनमध्ये 4G प्लॅन सक्रिय झाला असेल, तर तुम्ही त्यासोबत 5G इंटरनेट वापरू शकता. एअरटेलचा सर्वात स्वस्त 5G रिचार्ज प्लॅन 249 रुपयांमध्ये उपलब्ध आहे, यात 2 GB डेटा आणि मोफत कॉलिंग सुविधा मिळेल.
या प्लॅनची वैधता 24 दिवसांची असेल. त्याच वेळी 56 दिवसांच्या वैधतेसह एअरटेलचा सर्वात स्वस्त प्लॅन 499 रुपयांमध्ये येईल. यात एकूण 6 GB डेटा मिळेल, तर 365 दिवसांची वैधता असलेला सर्वात स्वस्त 5G प्लॅन Rs 1,699 मध्ये येईल. एअरटेलच्या 1,699 रुपयांच्या प्लॅनमध्ये एकूण 24 जीबी डेटा देण्यात आला आहे.