Ajab Gajab News : तुम्ही असे अनेक कारनामे ऐकले असतील ते ऐकून तुम्हालाही आश्चर्याचा धक्का बसला असेल. जन्म आणि मृत्यू (Death) हे कोणाच्याच हातात नाही. कोणत्याही व्यक्तीचा किंवा इतर कोणत्याही सजीव वस्तूचा मृत्यू कधीही होऊ शकतो. मात्र असे एक शहर आहे जिथे मृत्यूवर बंदी (Death ban) घालण्यात आली आहे.
मृत्यू त्याला कधी आपल्या कुशीत घेईल हे कोणालाच माहीत नाही. पण तुम्हाला हे जाणून आश्चर्य वाटेल की, असा एक देश आहे जिथे माणसांच्या मृत्यूवर बंदी घालण्यात आली आहे.
इतकंच नाही तर तुम्हाला हे ऐकून धक्का बसेल की, प्रशासनाने घातलेल्या बंदीमुळे 72 वर्षांपासून इथे एकाचाही मृत्यू झालेला नाही. हे ऐकायला विचित्र वाटत असलं तरी हे पूर्णपणे सत्य आहे.
आता हे शक्य आहे का, असा प्रश्न तुमच्या मनात नक्कीच निर्माण होत असेल, तर आता हा विचित्र आदेश नॉर्वेजियन (Norwegian) देशातील लोन्गिरब्येन (Longirbyen) या छोट्या शहरातील लोकांना देण्यात आला होता.
वास्तविक, 1917 मध्ये लाँगइअरब्येनमध्ये इन्फ्लूएंझामुळे (Influenza) एका व्यक्तीचा मृत्यू झाला होता. त्यानंतर त्यांच्या पार्थिवावर शहरात अंत्यसंस्कार करण्यात आले. लॉंगइयरबाइन हे शहर नॉर्वेच्‍या उत्तर ध्रुवावर आहे.
ख्रिश्चन धर्मावर (Christianity) विश्वास ठेवणारे बहुतेक लोक येथे राहतात. या ठिकाणी वर्षभर खूप थंडी असते. यामुळे येथे दफन केलेले मृतदेह कधीही कुजत नाहीत. त्याच वेळी, इन्फ्लूएंझा विषाणूमुळे मृत्यू झालेल्या व्यक्तीच्या बाबतीतही असेच घडले.
1950 मध्ये शास्त्रज्ञांना आढळले की त्या व्यक्तीचा मृतदेह अजूनही तसाच पडून आहे. तसेच, त्यात इन्फ्लूएंझा विषाणू अजूनही जिवंत आहे. या इन्फ्लूएंझा विषाणूमुळे हा आजार पसरू शकतो. या तपासणीनंतर प्रशासनाने या भागात लोकांच्या मृत्यूस बंदी घातली आहे.
त्याच वेळी, येथे एखाद्या व्यक्तीचा मृत्यू होणार असेल किंवा त्याला आपत्कालीन परिस्थिती असेल तर त्या व्यक्तीला हेलिकॉप्टरच्या मदतीने देशाच्या अन्य भागात नेले जाते. यासोबतच त्यांच्या मृत्यूनंतर त्यांच्या पार्थिवावर अंत्यसंस्कारही केले जातात.
त्याच वेळी, या शहरात एक अतिशय लहान स्मशानभूमी आहे ज्यामध्ये 72 वर्षांपासून कोणीही दफन केलेले नाही. कारण इथे इतकी थंडी आणि बर्फ आहे की इथे पुरलेले मृतदेह जमिनीत विरघळत नाहीत आणि खराब होत नाहीत.
या शहराची लोकसंख्या सुमारे 2000 आहे. त्याचबरोबर, रहिवाशांना प्राणघातक रोगांच्या प्रादुर्भावापासून वाचवण्यासाठी हे कायदे शहरात आजही लागू आहेत.