CNG-PNG Price Hike : महानगर गॅस लिमिटेड (MGL) ने सीएनजीच्या दरात प्रति किलो 6 रुपयांची वाढ केली आहे. याशिवाय पाईपद्वारे पुरवल्या जाणाऱ्या एलपीजी (पीएनजी) च्या किमतीतही प्रति युनिट 4 रुपयांनी (SCM) वाढ करण्यात आली आहे.
सोमवारी मध्यरात्रीपासून नवे दर लागू करण्यात आले आहेत. या बदलामुळे मुंबई (Mumbai) आणि परिसरातील वाहनांमध्ये इंधन (Fuel) म्हणून वापरल्या जाणाऱ्या कॉम्प्रेस्ड नॅचरल गॅसची (of compressed natural gas) किरकोळ किंमत 86 रुपये प्रति किलो झाली आहे.
पीएनजीची किंमत 52 रुपयांच्या पुढे गेली आहे
याशिवाय, घरगुती पीएनजीची किंमत प्रति एससीएम 52.50 रुपये झाली आहे. सार्वजनिक क्षेत्रातील कंपनीच्या वतीने सांगण्यात आले की, सरकारने 1 ऑक्टोबरपासून गॅसच्या किमती 40 टक्क्यांनी वाढवल्या आहेत, त्यामुळे हे पाऊल उचलावे लागले आहे.
पेट्रोलियम मंत्रालयाच्या अंतर्गत असलेल्या पेट्रोलियम किंमत आणि विश्लेषण कक्षाने 30 सप्टेंबर रोजी 1 ऑक्टोबरपासून पुढील सहा महिन्यांसाठी देशांतर्गत उत्पादित गॅसच्या किमतींमध्ये 40 टक्के वाढ करण्याची घोषणा केली होती.
सीएनजी-पेट्रोलमधील किमतीत बचत 45% झाली
यापूर्वी 1 एप्रिल रोजी आंतरराष्ट्रीय किमतीचा हवाला देत गॅसच्या किमतीत 110 टक्क्यांनी वाढ करण्यात आली होती. सरकार वर्षातून दोनदा 1 एप्रिल आणि 30 सप्टेंबर रोजी गॅसच्या किमतीत सुधारणा करते.
एमजीएलने सांगितले की, या दरवाढीनंतर सीएनजी आणि पेट्रोलमधील किमतीतील बचत 45 टक्क्यांवर आली आहे. त्याच वेळी, पीएनजी आणि एलपीजीमधील हा फरक केवळ 11 टक्के राहिला आहे.
किमती (Price) आणखी वाढू शकतात
दुसरीकडे, नैसर्गिक वायूच्या किमतीत विक्रमी वाढ झाल्यानंतर सीएनजी 8 ते 12 रुपये किलोने महागण्याची शक्यता वर्तवली जात आहे. त्याचबरोबर एलपीजीच्या किमतीत प्रति युनिट 6 रुपयांनी वाढ होऊ शकते.
सरकारने गेल्या आठवड्यात जुन्या गॅस फील्डमधून तयार होणाऱ्या गॅससाठी दिलेला दर सध्याच्या $6.1 प्रति दशलक्ष ब्रिटिश थर्मल युनिट (प्रति युनिट) वरून $8.57 प्रति युनिट इतका वाढवला आहे.