PM Kisan Yojana: पीएम किसान योजनेअंतर्गत (PM Kisan Yojana) दर चार महिन्यांच्या अंतराने शेतकऱ्यांच्या बँक खात्यात दोन हजार रुपये पाठवले जातात. त्यातील 11 हप्ते आतापर्यंत शेतकऱ्यांच्या खात्यावर वर्ग करण्यात आले आहेत. आता शेतकरी (farmer) आतुरतेने पुढच्या म्हणजे बाराव्या हप्त्याची वाट पाहत आहेत, जो सप्टेंबरपर्यंत शेतकऱ्यांच्या खात्यावर पाठवला जाईल.
या योजनेअंतर्गत देशभरातील कोट्यवधी लहान आणि अत्यल्प भूधारक शेतकऱ्यांना (Small and marginal farmers) आर्थिक मदत करायची आहे, जेणेकरून ते स्वावलंबी होऊ शकतील आणि त्यांचे जीवनमान सुधारू शकतील.
अवैध लाभार्थ्यांना नोटीस (Notice to Invalid Beneficiaries) –
अनेक दिवसांपासून पंतप्रधान किसान योजनेचा बेकायदेशीरपणे फायदा घेत असल्याची अनेक प्रकरणे समोर येत आहेत. आता अशा बेकायदेशीर लाभार्थ्यांना पैसे परत करण्यासाठी नोटिसा पाठवण्यात येत आहेत. नोटिसा पाठवण्याची ही प्रक्रिया अनेक महिन्यांपासून सुरू आहे. पैसे परत न केल्याने या लोकांवरही कारवाई होऊ शकते, असे सांगण्यात आले आहे.
ई-केवायसी अनिवार्य (E-KYC mandatory) –
पीएम किसान योजनेसाठी सरकारने ई-केवायसी करणे अनिवार्य केले आहे. तुम्ही ई-केवायसी न केल्यास, तुम्हाला पुढील हप्त्याचा लाभ मिळण्यापासून वंचित राहावे लागू शकते. आता या ई-केवायसीबाबत एक मोठे अपडेट आले आहे. ई-केवायसी पूर्ण करण्याची तारीख 31 जुलैपर्यंत वाढवण्यात आली आहे. अशा परिस्थितीत शेतकर्‍यांनी वेळेत eKYC करून घेण्याचा सल्ला दिला आहे अन्यथा ते 12 व्या हप्त्यापासून वंचित राहू शकतात.
ई-केवायसी कसे करावे? –