Fixed Deposit: तुम्ही देखील आतापासूनच येणाऱ्या भविष्याचा विचार करून बँकेत एफडीच्या माध्यमातून गुंतवणूक करण्याचा विचार करत असला तर आज आम्ही तुम्हाला एक आनंदाची बातमी देणार आहोत.
सध्या मार्केटमध्ये सरकारी आणि खाजगी बँका ग्राहकांना आकर्षित करण्यासाठी एफडीवर वेगवेगळ्या दर जाहीर करत आहे. याचा संपूर्ण फायदा ग्राहकांना मोठ्या प्रमाणात होत आहे. यातच आता खाजगी क्षेत्रातील येस बँकेने देखील ग्राहकांना आकर्षित करण्यासाठी एक मोठा निर्णय घेतला आहे.
आम्ही तुम्हाला सांगतो येस बँकेने 2 कोटी रुपयांपेक्षा कमी मुदत ठेवींवरील (FD) व्याजदरात बदल केला आहे. बँकेच्या अधिकृत वेबसाइटवर उपलब्ध माहितीनुसार, नवीन व्याजदर 5 डिसेंबर 2022 पासून लागू होणार आहेत.
या मोठ्या बदलानंतर बँक सध्या 7 दिवस ते 120 महिन्यांच्या मुदतीत ठेवींवर सर्वसामान्यांसाठी 3.25 टक्के ते 6.75 टक्के आणि ज्येष्ठ नागरिकांसाठी 3.75 टक्के ते 7.50 टक्के व्याजदर देत आहे. आता सर्वसामान्यांना एक वर्ष ते 3 वर्षांच्या मुदतीच्या ठेवींवर जास्तीत जास्त 7 टक्के व्याज मिळणार आहे.
Yes Bank एफडी दर
व्याजदरात बदल झाल्यानंतर येस बँक 7 दिवस ते 14 दिवसांच्या FD वर 3.25%, 15 दिवस ते 45 दिवसांच्या FD वर 3.70%, 46 दिवस ते 90 दिवसांच्या FD वर 4.10%, 91 दिवसांच्या FD वर 4.75% एफडीवर 180 दिवस टक्के आणि 181 दिवस ते 271 दिवसांपर्यंत बँक 5.50 टक्के व्याज देत आहे. आता येस बँक 272 दिवस ते 1 वर्षाच्या एफडीवर 5.75टक्के, 1 वर्ष ते 36 महिन्यांच्या एफडीवर कमाल 7 टक्के आणि 36 महिने ते 120 महिन्यांच्या एफडीवर 6.75 टक्के व्याज देत आहे.
अनेक बँकांनी मुदत ठेवींचे दर वाढवले
नुकतेच RBL Bank, Axis Bank, CSB Bank Limited, Kotak Mahindra Bank, Canara Bank, Indian Overseas Bank इत्यादींनी त्यांच्या एफडी दरांमध्ये वाढ केली आहे. आरबीआयने रेपो दरात वाढ केल्यानंतर दरवाढीची ही प्रक्रिया सुरू झाली आहे.
RBI कडून सलग चौथ्यांदा रेपो दरात वाढ
विशेष म्हणजे देशातील वाढती महागाई रोखण्यासाठी आरबीआयने सलग चौथ्यांदा रेपो दरात वाढ केली आहे. आता रेपो दर 5.90 टक्क्यांवर पोहोचला आहे. आरबीआयच्या 30 सप्टेंबर रोजी झालेल्या एमपीसीच्या बैठकीत रेपो दरात 0.50 टक्क्यांनी वाढ करण्याचा निर्णय घेण्यात आला आहे. आता रेपो दर 5.40 टक्क्यांवरून 5.90 टक्के करण्यात आला आहे. यापूर्वी मे महिन्यात 0.40 टक्क्यांनी वाढ झाल्यानंतर जून आणि ऑगस्टमध्ये 0.50-0.50 टक्क्यांनी वाढ झाली होती.
हे पण वाचा :- Origo Commodities : खुशखबर ! ‘ही’ कंपनी देणार 2 कोटीपर्यंत कर्ज ; जाणून घ्या कोणाला मिळणार लाभ