SBI Accounts freezes: स्टेट बँक ऑफ इंडिया (State Bank of India) देशातील सर्वात मोठी सरकारी बँक KYC अपडेट्स न मिळाल्यामुळे ग्राहकांची बँक खाती गोठवली होती. त्यामुळे ग्राहकांना प्रचंड त्रासाला सामोरे जावे लागले. खाते गोठविल्यानंतर कोणताही ग्राहक त्याच्या खात्यातून व्यवहार करू शकत नाही.
केवायसी अपडेट (KYC update) करणे आवश्यक आहे, अन्यथा खाती गोठवली जातील, असे स्टेट बँकेने स्पष्ट केले आहे. तसेच ग्राहक त्यांचे फ्रीझ खाते (Freeze account) पुन्हा सक्रिय करू शकतात.
अशा प्रकारे फ्रीझ खाते सक्रिय करा –
जर तुमचे SBI खाते गोठवले गेले असेल, तर तुम्ही KYC अपडेट करून ते पुन्हा चालू करू शकता. यासाठी तुमच्याकडे आधार कार्ड (AADHAAR CARD) आणि पॅन कार्डची (PAN card) प्रत असणे आवश्यक आहे.
या कागदपत्रांसह तुम्हाला बँकेत जावे लागेल आणि तेथे केवायसी अपडेट फॉर्म भरावा लागेल. फॉर्मसोबत तुम्हाला तुमचा पासपोर्ट आकाराचा फोटोही द्यावा लागेल. यानंतर तुमची केवायसी प्रक्रिया पूर्ण होईल आणि तुमचे बँक खाते सक्रिय केले जाईल.
लोकांना त्रास झाला –
1 जुलैच्या सुमारास एसबीआयने अनेक ग्राहकांची खाती गोठवली होती. नोकरदारांच्या पगाराची हीच वेळ होती. अशा परिस्थितीत त्यांना अडचणींचा सामना करावा लागला.
एका बँकेच्या अधिकाऱ्याने सांगितले होते की, ज्या ग्राहकांनी केवायसी अपडेट केले नव्हते त्यांना केवायसी अपडेट करण्याबाबत आधीच माहिती देण्यात आली होती. त्याची खाती गोठवण्यात आली. SBI ही देशातील सर्वात मोठी सरकारी बँक असून तिचे देशभरात सुमारे 45 कोटी ग्राहक आहेत.
घरबसल्या KYC अपडेट करा –
शाखेत जाण्याची गरज नाही –
जेव्हापासून कोविड-19 आणि लॉकडाउन संपूर्ण भारतात सुरू झाले, तेव्हापासून SBI ने KYC कागदपत्रे ऑनलाइन स्वीकारण्यास सुरुवात केली आहे. एसबीआय बँकेने केवायसी कागदपत्रे ऑनलाइन स्वीकारण्यास सुरुवात केली होती. केवायसी अपडेटसाठी ग्राहकांना बँकेच्या शाखेत जाण्याची गरज नाही.