HDFC Rate Hike: रिझर्व्ह बँकेने (RBI) रेपो दरात (repo rate) वाढ केल्यानंतर, आघाडीच्या खाजगी क्षेत्रातील वित्तपुरवठादार HDFC ने कर्जदरात वाढ केली आहे. महागाई रोखण्यासाठी बेंचमार्क व्याजदरात वाढ केल्यानंतर वित्तीय संस्थेने केलेली ही पहिलीच दरवाढ आहे.
HDFC लिमिटेडने शुक्रवारी आपल्या कर्जदरात 50 आधार अंकांची वाढ केली. यामुळे HDFC हाऊसिंग लोनचा EMI वाढेल. देशातील सर्वात मोठ्या हाऊसिंग फायनान्स कंपनीने सांगितले की, HDFC गृहकर्जावर रिटेल प्राइम लेंडिंग रेट (RPLR) वाढवत आहे. अॅडजस्टेबल रेट होम लोन (ARHL) 50 बेसिस पॉइंट्सच्या वाढीनुसार आणले जात आहे. गेल्या पाच महिन्यांतील एचडीएफसीने केलेली ही सातवी वाढ आहे.
बँका आणि वित्तीय संस्था व्याज वाढवतील
शुक्रवारी आरबीआयने प्रमुख व्याजदरात 50 आधार अंकांनी वाढ केल्यानंतर इतर वित्तीय संस्था आणि बँकांनी व्याजदर वाढवण्याची अपेक्षा आहे.
रेपो दरात 50 बेसिस पॉईंटने वाढ करण्यात आली
चलनविषयक धोरण समितीने (MPC) आज आपल्या बैठकीत लिक्विडिटी ऍडजस्टमेंट फॅसिलिटी (LAF) अंतर्गत पॉलिसी रेपो दर 50 बेस पॉइंट्सने 5.90 टक्क्यांनी वाढवण्याचा निर्णय घेतला आहे. मे महिन्यात रेपो रेटमध्ये अनपेक्षितपणे 40 बेसिस पॉईंटची वाढ केल्यानंतर आरबीआयने जून आणि ऑगस्ट महिन्यात रेपो रेटमध्ये 50 बेसिस पॉईंटची वाढ केली आहे. अशा प्रकारे, आरबीआयने केलेली ही सलग चौथी वाढ आहे.