Health Marathi News : बदलत्या जीवनशैलीमुळे तरुण वयातच अनेकांना साखरेचा (Sugar) किंवा इतर त्रास सुरु होत आहेत. तसेच चुकीच्या आहाराचे दुष्परिणाम त्यांच्या शरीरावर होत आहेत. रक्तातील साखर (Blood sugar) वाढणे, तणाव वाढणे यासारखे आजाराला तरुण वर्ग बळी पडताना दिसत आहे.
केक किंवा इतर कोणत्याही खाद्यपदार्थावर लहान लाल चेरी (Cherry) ठेवलेल्या तुम्ही पाहिल्या असतील. पण चेरी जेवणाला आकर्षक तर बनवतेच शिवाय अनेक मोठे फायदेही देते.
चेरी खाल्ल्याने रक्तातील साखर आणि तणाव यांसारख्या स्थिती नियंत्रणात येतात आणि तुम्ही निरोगी बनता. या लेखात चेरी खाण्याचे आरोग्य फायदे जाणून घेऊया.
चेरीमधील पोषण (Nutrition in Cherry)
उन्हाळ्यात छोटी चेरी खाणे खूप फायदेशीर मानले जाते. त्यात व्हिटॅमिन ए, व्हिटॅमिन बी 6, व्हिटॅमिन सी, व्हिटॅमिन के, पोटॅशियम, तांबे, लोह, मॅंगनीज, फॉस्फरस आणि कॅल्शियम सारखे अनेक पोषक असतात. हे पोषण तुमच्या निरोगी शरीरासाठी खूप महत्वाचे आहे. चेरी खाल्ल्याने त्वचेला आणि केसांनाही फायदा होतो.
चेरी खाल्ल्याने हे जबरदस्त फायदे मिळतात (Cherry Benefits)
चेरी त्वचा आणि केसांसाठी चांगली असतात. यामध्ये असलेले व्हिटॅमिन सी आणि इतर ऑक्सिडंट्स त्वचेला चमकदार बनवण्यास मदत करतात. त्याचबरोबर केसांचा पोतही सुधारू लागतो.
चेरीमध्ये ग्लायसेमिक इंडेक्स खूपच कमी असतो. त्यामुळे ते खाल्ल्याने रक्तातील साखर वेगाने वाढत नाही. त्याच वेळी, त्यात रक्तातील साखर नियंत्रित करणारे गुणधर्म देखील आहेत.
चेरीमध्ये असलेले व्हिटॅमिन-सी आणि अँटीऑक्सिडंट्स रोगप्रतिकारशक्ती वाढवण्यास मदत करतात. मजबूत रोगप्रतिकारक शक्ती असल्‍याने तुम्‍हाला संसर्ग आणि सामान्य रोगांचा धोका कमी होतो.
चेरीचे सेवन केल्याने तणाव कमी होतो. तुमच्या मानसिक आरोग्यासाठी हे सर्वोत्तम अन्न आहे. याच्या सेवनाने मेंदूतील मूड रिलेक्संट हार्मोन्स वाढतात.
चेरीमध्ये फायबरचे प्रमाण चांगले असते,
जे पचन सुधारते. जेव्हा तुम्ही पुरेशा प्रमाणात फायबर खाल तर बद्धकोष्ठतासारख्या समस्या दूर होतात. त्यामुळे बद्धकोष्ठतेच्या रुग्णांनी चेरी जरूर खावी.