IMD Alerts : देशात मान्सूनला (Monsoon) सुरुवात झाली आहे. तसेच सर्वदूर मान्सून सक्रिय झाल्याचे हवामान खात्याकडून (Weather department) सांगण्यात येत आहे. काही राज्यात हवामान खात्याकडून रेड अलर्ट (Red Alert) देखील जारी करण्यात आला आहे. तर पुढील पाच दिवस मुसळधार पाऊस पडण्याचा अंदाज हवामान खात्याकडून देण्यात आला आहे.
भारतीय हवामान खात्याने (IMD) येत्या ५ दिवसांत अनेक राज्यांमध्ये मुसळधार पावसाची शक्यता वर्तवली आहे. शुक्रवारी अमरनाथ गुहेजवळ ढगफुटीमुळे मोठी हानी झाली होती.
महाराष्ट्रात यंदा मान्सून लवकरच दाखल झाला आहे. तसेच मान्सूनने जवळ जवळ संपूर्ण महाराष्ट्र व्यापला आहे तर काही ठिकाणी पूरस्थिती निर्माण झाली आहे. महाराष्ट्रामध्येही पुढील ५ दिवस मुसळधार पाऊस (Heavy Rain
) पडणार असल्याचा इशारा हवामान खात्याकडून देण्यात आला आहे.10 जुलै रोजी जम्मू-काश्मीरमध्ये पुन्हा मुसळधार पाऊस पडू शकतो, असा इशारा हवामान खात्याने दिला आहे. विशेष म्हणजे, शुक्रवारी अमरनाथ गुहेजवळ ढगफुटीमुळे १३ जणांचा मृत्यू झाला आहे. मृतांचा आकडा आणखी वाढण्याची शक्यता वर्तवली जात आहे.
केवळ उत्तरच नव्हे तर दक्षिण भारतातही मुसळधार पावसामुळे पुराची परिस्थिती निर्माण झाली आहे. गुजरातमध्येही अशीच स्थिती आहे. तेलंगणातून एक भयावह चित्र समोर येत आहे.
येथील 30 शालेय विद्यार्थ्यांना घेऊन जाणारी बस पाणी साचल्याने पाण्यात बुडाली. मात्र, स्थानिक लोकांनी बसमधील सर्व मुलांना वाचवले. हा व्हिडिओ सोशल मीडियावर व्हायरल झाला आहे.
दरम्यान, उत्तर प्रदेश, राजस्थान, हरियाणा आणि पंजाबमध्ये मुसळधार पावसाची शक्यता आहे. या भागातील लोकांना पावसाळ्यात घराबाहेर न पडण्याचा इशारा देण्यात आला आहे.
देशभरातील 16 राज्ये आणि केंद्रशासित प्रदेशांमध्ये 13 जुलैपर्यंत पावसाचा इशारा देण्यात आला आहे. कोणत्या दिवशी कोणत्या राज्यात जास्त धोका आहे ते जाणून घेऊया.
पुढील 5 दिवस म्हणजे 13 जुलैपर्यंत छत्तीसगड, मध्य प्रदेश, ओडिशा, महाराष्ट्र, गुजरात, केरळ, कर्नाटक, तेलंगणा आणि आंध्र प्रदेशमध्ये मुसळधार पावसाची शक्यता आहे.
या भागात वीज पडण्याचा इशाराही देण्यात आला आहे. हवामान खात्याने या भागात पावसाळ्यात लोकांना घराबाहेर पडू नये असे सांगितले आहे. 10 जुलैला जम्मू-काश्मीरमध्ये, 10 ते 12 जुलैला हिमाचल प्रदेश आणि 11-12 जुलैला उत्तराखंडमध्ये मुसळधार पाऊस पडण्याची शक्यता आहे.
येत्या काही दिवसांत भारतात दोन चक्री वादळे सक्रिय होणार आहेत. एक दक्षिण-पश्चिम राजस्थान आणि त्याच्या लगतच्या भागात सक्रिय आहे, तर दुसरा उत्तर-पश्चिम आणि शेजारच्या बंगालच्या उपसागरात सक्रिय आहे.