India News Today : पंतप्रधान नरेंद्र मोदी (PM Narendra Modi) यांनी दोन दिवसीय दौऱ्यावर असलेले ब्रिटनचे पंतप्रधान बोरिस जॉन्सन (British Prime Minister Boris Johnson) यांचे राष्ट्रपती भवनात (Rashtrapati Bhavan) स्वागत केले. जिथे त्यांना गार्ड ऑफ ऑनर देण्यात आला. यावेळी ब्रिटनचे पंतप्रधान बोरिस जॉन्सन यांनी ब्रिटन आणि भारताविषयी (India) महत्वाचे भाष्य केले आहे.
मीडियाला संबोधित करताना पंतप्रधान बोरिस जॉन्सन म्हणाले की, अप्रतिम स्वागताबद्दल धन्यवाद. मला वाटत नाही की आमच्या (भारत-यूके) दरम्यान गोष्टी आता आहेत तितक्या मजबूत किंवा चांगल्या होत्या.
यानंतर ब्रिटनचे पंतप्रधान बोरिस जॉन्सन यांनी राजघाटावर पुष्पहार अर्पण करून महात्मा गांधींना आदरांजली वाहिली. ब्रिटनचे पंतप्रधान परराष्ट्र मंत्री एस जयशंकर (External Affairs Minister S. Jaishankar) यांच्याशीही चर्चा करतील. हैदराबाद हाऊस (Hyderabad House) येथे दुपारी 1 वाजता दोन्ही बाजू एक प्रेस स्टेटमेंट जारी करतील.
हा प्रसंग ब्रिटन आणि भारताच्या धोरणात्मक संरक्षण, राजनैतिक आणि आर्थिक भागीदारीचे प्रतीक आहे, ज्याचा उद्देश इंडो-पॅसिफिक प्रदेशात जवळची भागीदारी आणि सुरक्षा सहकार्य वाढवणे आहे.