Interest Rate Hike : स्वस्त कर्जाचे युग आता संपले असून बँका सातत्याने व्याजदर (Interest rate) वाढवत आहेत. मे महिन्यात आरबीआय (RBI) एमपीसीच्या बैठकीत रेपो दरात वाढ केल्यानंतर जवळपास सर्वच बँकांनी व्याजदर वाढवले (Banks raise interest rates) आहेत.
यानंतर या महिन्यात पुन्हा एकदा रेपो दरात वाढ होऊ शकते. त्यामुळे बँकांनी आतापासूनच व्याजदर आणखी वाढवण्यास सुरुवात केली आहे. रिझर्व्ह बँक बुधवारी या बैठकीच्या निकालाची माहिती देणार आहे, मात्र त्याआधी मंगळवारपासून तीन बँकांनी व्याजदरात वाढ केली आहे.
सध्या कॅनरा बँक (Canara Bank), एचडीएफसी बँक (HDFC BANK) आणि करूर वैश्य बँके (Karur Vaishya Bank) ने त्यांचे व्याजदर वाढवले आहेत. यामुळे ईएमआय वाढेल. कॅनरा बँकेने सांगितले की,
नवे व्याजदर 7 जूनपासून लागू होणार आहेत. कॅनरा बँकेने मार्जिन कॉस्ट ऑफ लेंडिंग रेट (MCLR) मध्ये 0.05 टक्क्यांनी वाढ केली आहे. त्याच वेळी, करूर वैश्य बँकेने बेंचमार्क प्राइम लेंडिंग रेट (BPLR) 0.40 टक्क्यांनी वाढवले आहेत. HDFC ने देखील MCLR 0.35 टक्क्यांनी वाढवला आहे.
कर्ज किती महाग आहे –
कॅनरा बँकेने एक वर्षाच्या कर्जासाठी MCLR 0.05 टक्क्यांनी वाढवून 7.40 टक्के केला आहे. त्याचबरोबर हा दर 6 महिन्यांसाठी 7.30 टक्क्यांवरून 7.35 टक्के करण्यात आला आहे. खाजगी क्षेत्रातील करूर वैश्य बँकेने बीपीएलआर 0.40 टक्क्यांनी वाढवून 13.75 टक्के केला आहे आणि आधार बिंदू देखील 0.40 टक्क्यांनी वाढवून 8.75 टक्के केला आहे.
HDFC ने MCLR देखील वाढवला –
HDFC बँकेने रात्रीच्या कर्जासाठीचा MCLR 7.15 टक्क्यांवरून 7.50 टक्क्यांपर्यंत वाढवला आहे. एक महिन्याच्या कर्जाचा व्याजदर 7.20 टक्क्यांवरून 7.55 टक्के करण्यात आला आहे. या वाढीनंतर, तीन आणि सहा महिन्यांच्या कर्जासाठी एमसीएलआर अनुक्रमे 7.60 टक्के, 7.70 टक्के वाढला आहे. त्याच वेळी, एक वर्षासाठी कर्ज 7.85 टक्के दराने उपलब्ध असेल. दोन वर्ष आणि तीन वर्षांच्या कर्जासाठी व्याजदर 7.95 टक्के आणि 8.05 टक्के झाला आहे.
रेपो दर वाढू शकतो –
आरबीआयच्या चलनविषयक धोरण समितीची तीन दिवसीय बैठक संपण्यापूर्वीच व्याजदरात वाढ झाली आहे. या बैठकीकडे सर्वांचे लक्ष लागले आहे. RBI च्या या बैठकीत रेपो दरात 35 ते 40 बेसिस पॉइंट्सने वाढ करण्याचा निर्णय घेतला जाण्याची शक्यता वर्तवली जात आहे.