LPG Price Today : सरकारने (Government) गॅस सिलिंडर ग्राहकांना (customers) मोठा दिलासा दिला आहे. आज व्यावसायिक एलपीजी सिलिंडरच्या किमती कमी करण्यात आल्या आहेत. पण एलपीजी सिलेंडरच्या किंमतीत कोणताही बदल झालेला नाही. त्यामुळे व्यावसायिक एलपीजी सिलिंडर ग्राहकांना मोठा फायदा होणार आहे.
IOCL वेबसाइटनुसार, 1 ऑक्टोबरपासून राष्ट्रीय राजधानी दिल्लीत इंडेनच्या 19 किलोग्रॅमच्या व्यावसायिक सिलेंडरची किंमत 25.5 रुपयांनी, कोलकात्यात 36.5 रुपयांनी, मुंबईत 32.5 रुपयांनी, चेन्नईमध्ये 35.5 रुपयांनी कमी झाली आहे. त्याच वेळी, 14.2 किलोचा घरगुती एलपीजी सिलिंडर त्याच जुन्या किमतीत मिळेल.
सरकारी तेल कंपन्या दर महिन्याला किमतींचा आढावा घेतात. तर आंतरराष्ट्रीय बाजारात (international market) कच्च्या तेलाच्या किंमतीनुसार (price of crude oil) किंमती वाढतात किंवा कमी होतात.
LPG ची आजची किंमत 1 ऑक्टोबर 2022- 14.2 KG सिलेंडरची किंमत
कोलकाता: 1079 रुपये प्रति सिलेंडर
दिल्ली: 1053 रुपये प्रति सिलेंडर
मुंबई: 1052.5 रुपये प्रति सिलेंडर
चेन्नई: 1068.5 रुपये प्रति सिलेंडर
LPG ची आजची किंमत 2 ऑक्टोबर 2022- 17 KG सिलेंडरची किंमत
कोलकाता: 1959 रुपये प्रति सिलेंडर (मागील महिन्याची किंमत 1995.50 रुपये)
दिल्ली: 1859.5 रुपये प्रति सिलेंडर (मागील महिन्याची किंमत 1885 रुपये)
मुंबई: 1811.5 रुपये प्रति सिलेंडर (मागील महिन्याची किंमत 1844 रुपये)
चेन्नई: 2009.50 रुपये प्रति सिलेंडर (मागील महिन्याची किंमत 2045 रुपये)
6 महिन्यांत किंमती सतत कमी होत आहेत
6 महिन्यांपासून व्यावसायिक सिलेंडरची (17 KG) किंमत सातत्याने कमी होत आहे. या मे महिन्यात सिलिंडरची किंमत 2354 रुपयांवर गेली होती. मात्र, त्यानंतर दरात सातत्याने घट होत आहे.
नैसर्गिक वायूच्या दरात मोठी वाढ
दुसरीकडे, जेव्हा नैसर्गिक वायूचा विचार केला जातो तेव्हा त्याच्या किमती 40 टक्क्यांनी वाढून विक्रमी उच्चांकावर पोहोचल्या. त्याचबरोबर पाईपद्वारे घरोघरी जाणाऱ्या सीएनजी आणि पीएनजी गॅसच्या किमती वाढू शकतात. ONGC आणि OIL च्या जुन्या फील्डमधील गॅसची किंमत US$ 6.1 वरून US$ 8.57 प्रति mmBtu पर्यंत वाढली आहे.