PM Kisan Yojana : येत्या दोन दिवसात येणार 12 व्या हप्त्याचे पैसे? जाणून घ्या सविस्तर

PM Kisan Yojana : अनेक दिवसांपासून शेतकरी पीएम किसान सन्मान निधी योजनेच्या (PM Kisan Samman Nidhi Yojana) 12 व्या हप्त्याची (12th installment) आतुरतेने वाट पाहत आहेत.

या योजनेचे आतापर्यंत 11 हप्ते मिळाले आहेत. त्याचबरोबर, ज्या शेतकऱ्यांनी ई- केवायसी (E- KYC) केली नसेल त्यांना या योजनेचा (Scheme) लाभ घेता येणार नाही.

पंतप्रधान नरेंद्र मोदी (PM Narendra Modi) पंतप्रधान किसान सन्मान निधी योजनेचा 12वा हप्ता गांधी जयंतीला म्हणजेच 2 ऑक्टोबर रोजी जारी करतील अशी अपेक्षा आहे. मात्र, सरकारने अद्याप कोणतीही तारीख निश्चित केलेली नाही.

आतापर्यंतचा ट्रॅक रेकॉर्ड पाहता या महिन्यात सरकार शेतकऱ्यांच्या खात्यावर पैसे ट्रान्सफर (Money transfer) करेल, असा विश्वास आहे. पीएम किसान योजनेच्या 12व्या हप्त्याची प्रदीर्घ प्रतीक्षा आता संपणार आहे.

हा हप्ता गेल्या वर्षी 9 ऑगस्ट रोजीच जारी करण्यात आला होता, परंतु त्याबाबत अद्याप कोणतेही अपडेट (Update) आलेले नाही. जे लोक शेतीच्या कामाच्या ठिकाणी शेतजमीन इतर कारणांसाठी वापरत आहेत किंवा इतरांच्या शेतात शेतीची कामे करतात, परंतु ते मालक नाहीत. अशा शेतकऱ्यांनाही या योजनेचा लाभ घेता येत नाही.

यामुळेच यावेळी विलंब झाला

• प्रधानमंत्री किसान सन्मान निधी योजनेतील फसवणूक रोखण्यासाठी सरकार कठोर झाले आहे. जेव्हा मोदी सरकारने ई-केवायसी अनिवार्य केले तेव्हा पीएम किसान हप्त्याला उशीर झाला. याशिवाय राज्य सरकार आता लाभार्थ्यांची प्रत्यक्ष पडताळणी करत आहे.
• जर कोणी शेतजमिनीचा मालक असेल, पण तो सरकारी कर्मचारी असेल किंवा सेवानिवृत्त झाला असेल, तर वर्तमान किंवा माजी खासदार, आमदार, मंत्री यांना पीएम किसान योजनेचा लाभ मिळू शकत नाही.
• व्यावसायिक नोंदणीकृत डॉक्टर, अभियंता, वकील, चार्टर्ड अकाउंटंट किंवा त्यांचे कुटुंबीय देखील अपात्र यादीत येतात.
• शेतकरी असूनही, जर तुम्हाला एका महिन्यात 10000 रुपयांपेक्षा जास्त पेन्शन मिळत असेल, तर तुम्ही या योजनेचे लाभार्थी होऊ शकत नाही. आयकर भरणाऱ्या कुटुंबांनाही या योजनेचा लाभ मिळणार नाही.
• जर शेतकरी शेती करत असेल, पण शेत त्याच्या नावावर नसेल, तर त्याला या पीएम योजनेचा लाभ मिळणार नाही. शेती वडिलांच्या किंवा आजोबांच्या नावावर असली तरी त्याला या योजनेचा लाभ घेता येत नाही.

पत्नीकडे शेत असेल तर हप्ता किती असेल?

पीएम योजना शेतकरी कुटुंबांसाठी आहे. शेतकरी कुटुंबाला पीएम किसानचे पैसे मिळतात म्हणजेच कुटुंबातील कोणत्याही एका सदस्याच्या खात्यात 6000 रुपये वार्षिक 2000-2000 च्या तीन हप्त्यांमध्ये थेट बँक खात्यात येतात.

ज्या शेतकऱ्यांनी EKYC केले आहे, त्यांना पीएम किसान योजनेचे पैसे मिळतील, असे तज्ज्ञांचे म्हणणे आहे. ज्या शेतकऱ्यांनी eKYC केले नाही, त्यांचा हप्ता अडकू शकतो.

सरकारने प्रधानमंत्री किसान सन्मान निधी योजनेची eKYC प्रक्रिया पूर्ण करण्यासाठी 31 ऑगस्टची मुदत दिली होती. आता ती तारीख निघून गेली.