Post Office Scheme : पंतप्रधान नरेंद्र मोदी (Prime Minister Narendra Modi) यांच्यासह देशातील अनेक नागरिक पोस्ट ऑफिसच्या वेगवेगळ्या योजनेमध्ये ( Post Office Scheme) गुंतवणूक करून लाखो रुपयांची बचत करत आहे.
तुम्हाला देखील पोस्ट ऑफिसच्या योजनेत गुंतवणूक करून लाखो रुपयांची बचत करण्याची असेल तर आज आम्ही तुम्हाला एका अतिशय चांगल्या पोस्ट ऑफिस योजनेबद्दल सांगणार आहोत. पोस्ट ऑफिस रिकरिंग डिपॉझिट स्कीम (Post Office Recurring Deposit Scheme) असे या योजनेचे नाव आहे.
तुमचे भविष्य सुरक्षित करण्यासाठी किंवा भविष्याशी संबंधित इतर हेतूंसाठी तुम्ही चांगली गुंतवणूक योजना शोधत असाल तर अशा परिस्थितीत ही योजना तुमच्यासाठी एक चांगला पर्याय ठरू शकते. या योजनेत गुंतवणूक करून तुम्हाला बाजारातील जोखमींचा सामना करावा लागणार नाही. पोस्ट ऑफिस रिकरिंग डिपॉझिट योजना ही सुरक्षित गुंतवणुकीसाठी एक उत्तम बचत योजना आहे.
सध्या या पोस्ट ऑफिस योजनेत गुंतवणूक करून गुंतवणूकदारांना वार्षिक ५.८ टक्के परतावा मिळत आहे. देशातील अनेक लोक या पोस्ट ऑफिस योजनेत गुंतवणूक करण्यास प्राधान्य देतात. या योजनेत दहा हजार रुपये गुंतवून तुम्ही 16 लाख रुपयांचा निधी कसा गोळा करू शकता ते जाणून घ्या.
16 लाख रुपयांचा निधी गोळा करण्यासाठी, तुम्हाला पोस्ट ऑफिसच्या रिकरिंग डिपॉझिट योजनेमध्ये दहा वर्षांसाठी दरमहा दहा हजार रुपये गुंतवावे लागतील. सध्या ही पोस्ट ऑफिस योजना 5.8 टक्के वार्षिक परतावा देत आहे. यामुळे, मॅच्युरिटीच्या वेळी दहा वर्षांनी तुमचा एकूण निधी 16 लाख 28 हजार रुपये होईल.
पोस्ट ऑफिस रिकरिंग डिपॉझिट योजनेतील गुंतवणुकीची मर्यादा निश्चित केलेली नाही. अशा परिस्थितीत तुम्ही तुमच्या मनाप्रमाणे कितीही पैसे गुंतवू शकता. या योजनेत तुम्हाला तुमचे पैसे नियमितपणे जमा करावे लागतील. हप्ते नियमित भरले नाहीत तर या प्रकरणात तुम्हाला एक टक्के दंड भरावा लागेल. तर चार हप्ते न भरल्यास. या प्रकरणात तुमचे खाते बंद केले जाईल