Realme 10 Pro+ 5G
Realme 10 Pro+ 5G : Realme चे स्मार्टफोन भारतीय बाजारपेठेतील इतर स्मार्टफोनला कडवी टक्कर देताना आपल्याला पाहायला मिळतात. कंपनी यात आपल्या वापरकर्त्यांसाठी शानदार फीचर्स आणि स्पेसिफिकेशन उपलब्ध करून देते.
तुम्ही आता स्वस्तात Realme 10 Pro+ 5G खरेदी करू शकता. कंपनीच्या वेबसाइटवर तुम्ही हा फोन 30 सप्टेंबरपर्यंत खरेदी करू शकता. फोनची मूळ किंमत 24,999 रुपये असली तरी तुम्ही ऑफरमुळे 21,999 रुपयांत तो सहज खरेदी करू शकता. या फोनवर 10% कॅशबॅक मिळेल. या कॅशबॅकसाठी तुम्हाला MobiKwik वॉलेटमधून पैसे द्यावे लागणार आहेत.
जाणून घ्या Realme 10 Pro+ 5G चे फीचर्स आणि स्पेसिफिकेशन
या Realme 10 Pro+ 5G स्मार्टफोनमध्ये 2412×1080 पिक्सेल रिझोल्यूशनसह 6.7 इंच फुल एचडी डिस्प्ले देण्यात आला आहे. Realme च्या या फोनमध्ये देण्यात आलेला हा डिस्प्ले 120Hz च्या रिफ्रेश रेटला सपोर्ट करतो. त्याचा टच सॅम्पलिंग रेट 360Hz असून स्टोरेजचा विचार केला तर Realme चा हा फोन 8 GB रॅम आणि 256 GB पर्यंत अंतर्गत स्टोरेज पर्यायात येतो. या फोनमध्ये 8 GB पर्यंत डायनॅमिक रॅम देखील दिली आहे. त्यामुळे गरज भासल्यास स्मार्टफोनची एकूण रॅम 16 GB पर्यंत वाढते.
याच्या प्रोसेसर बद्दल सांगायचे झाले तर या स्मार्टफोनमध्ये तुम्हाला Mali G68 GPU सह डायमेंशन 1080 5G चिपसेट पाहायला मिळेल. यात फोटोग्राफीसाठी मागील बाजूस ट्रिपल कॅमेरा सेटअप दिला आहे. यात 108-मेगापिक्सेल मुख्य लेन्ससह 8-मेगापिक्सेल अल्ट्रा-वाइड अँगल लेन्स आणि 2-मेगापिक्सेल मॅक्रो लेन्सचा समावेश केला आहे.
तर त्याच वेळी, या स्मार्टफोनच्या पुढील भागात सेल्फीसाठी 16-मेगापिक्सेल इन-डिस्प्ले फ्रंट कॅमेरा स्थापित करण्यात आला आहे. या फोनची बॅटरी 5000mAh असून ती 67 वॉट सुपरव्हीओओसी चार्जिंगला सपोर्ट करते. OS बद्दल सांगायचे झाले तर, फोन Android 13 वर आधारित Realme UI 4.0 वर काम करतो. हा फोन हायपरस्पेस, डार्क मॅटर आणि नेबुला ब्लू अशा तीन रंगांच्या पर्यायांमध्ये येतो.