Realme C30 Launch : Realme आज आपला नवीन स्मार्टफोन रियलमी सी30 (Realmy C30) लॉन्च करणार आहे. हा फोन ई-कॉमर्स साइट फ्लिपकार्ट (Flipkart) च्या माध्यमातून सादर केला जाईल.
कंपनी हा फोन फक्त बजेट सेगमेंटमध्ये सादर करू शकते. याबाबत कंपनीने ट्विटही केले आहे.Realme C30 आज दुपारी 12:30 वाजता लॉन्च होईल. कंपनी त्याला अल्ट्रा स्लिम (Ultra slim) म्हणत आहे. कंपनीने एका ट्विटमध्ये लिहिले आहे की, नवीन आणि अल्ट्रा स्लिम रियलमी C30 मागील पॅनलवर उत्कृष्ट टेक्सचर स्ट्राइप डिझाइनसह येतो.
तसेच कंपनीने याबद्दल अधिक तपशील शेअर केले नाहीत. या फोनबद्दलचे बरेच तपशील आधीच लीक झाले आहेत. या स्मार्टफोनचे वजन फक्त 182 ग्रॅम सांगितले जात आहे.
यामुळे फोन हलका होतो आणि तो सहज धरून वापरता येतो. Flipkart वर दिलेल्या माहितीनुसार, या स्मार्टफोन (Smartphones) मध्ये Unisoc T612 प्रोसेसर दिला जाऊ शकतो. कंपनी 5000mAh बॅटरी देऊ शकते.
कॅमेर्‍याबद्दल कंपनीने त्यांच्या कॅमेरा (Camera) वैशिष्ट्यांबद्दल कोणतीही माहिती सामायिक केलेली नाही. पण फोनचे फोटो बघता असे दिसते की त्याच्या मागच्या बाजूला एकच कॅमेरा आहे. हा फोन ब्लू आणि ग्रीन रंगात सादर केला जाऊ शकतो.
सध्या कंपनीकडून त्याच्या किंमतीबाबत काहीही सांगण्यात आलेले नाही. पण, हा स्मार्टफोन जवळपास 10 हजार रुपयांमध्ये लॉन्च होऊ शकतो. बाकी स्पेसिफिकेशन्स (Specifications) आणि नेमकी किंमत लॉन्च झाल्यानंतरच कळेल.