Sarkari Yojana Information : केंद्र सरकारकडून (Central Goverment) शेतकऱ्यांसाठी (Farmers) महत्वाची पाऊले उचलली जात आहेत. शेतकऱ्यांना आर्थिक हातभार लावण्यासाठी केंद्राकडून विविध योजना आणल्या जात आहे. पंतप्रधान सन्मान निधी योजनेनंतर (PM Kisan Scheme) आता पुन्हा एकदा नवी योजना आणली आहे.
पीएम किसान मानधन योजना (PM Kisan Mandhan Yojana) असे या सरकारी योजनेचे नाव आहे. या योजनेतून शेतकऱ्यांना दरमहा ३००० रुपये देण्यात येणार आहेत. या योजनेअंतर्गत सरकार वृद्ध शेतकऱ्यांना मदत करते.
किसान मानधन योजना काय आहे?
पीएम किसान मानधन योजनेंतर्गत सरकार वृद्ध शेतकऱ्यांना (Older farmers) एका वर्षात 36 हजार रुपये देते. सरकारकडून वृद्ध शेतकऱ्यांना दरमहा ३ हजार रुपये पेन्शन दिली जाते.
मात्र, यासाठी शेतकऱ्यांना शासनाच्या या योजनेत दरमहा काही रुपये जमा करावे लागतात. या योजनेचा लाभ 18 वर्षांवरील तरुणांपासून 40 वर्षांवरील शेतकऱ्यांना घेता येईल.
पीएम किसान मानधन योजनेचे नियम काय आहेत
पीएम किसान मानधन योजनेच्या नियमांनुसार शेतकऱ्यांना दरमहा ५५ ते २०० रुपये पेन्शन फंडात जमा करावे लागतात. शेतकर्‍याचे वय ६० वर्षांपेक्षा जास्त असेल तेव्हा त्यांना दरमहा तीन हजार रुपये मासिक पेन्शन मिळते.
जर शेतकरी 18 वर्षांचा असेल तर त्याला दरमहा 55 रुपये जमा करावे लागतील आणि जर शेतकरी 40 वर्षांचा असेल तर त्याला 200 रुपये जमा करावे लागतील.
नोंदणी कशी करावी?
किसान मानधन योजनेचा लाभ घेण्यासाठी तुम्ही ऑनलाइन किंवा ऑनलाइन नोंदणी करू शकता. तुम्हाला ऑफलाइन नोंदणी करायची असेल, तर तुम्हाला जवळच्या कॉमन सर्व्हिस सेंटरला भेट द्यावी लागेल.
तेथे तुम्हाला विनंती केलेली कागदपत्रे सबमिट करावी लागतील. याशिवाय, ऑनलाइन मार्ग असा आहे की तुम्ही maandhan.in वर जा आणि त्यानंतर तुम्हाला स्व-नोंदणी करावी लागेल. येथे तुमच्याकडून मोबाईल नंबर, ओटीपी इत्यादींची माहिती घेतली जाईल.