महिलांसाठी खास बचत योजना, जाणून घ्या संपूर्ण माहिती !

Post Office : बचतीला प्रोत्साहन देण्यासाठी सरकारद्वारे अनेक बचत योजना चालवल्या जात आहेत. अशातच मोदी सरकारने गेल्या अर्थसंकल्पात महिलांसाठी एक खास बचत योजना सुरू केली होती. ही योजना पोस्ट ऑफिसच्या माध्यमातून राबविण्यात येत आहे. या योजनेचे नाव महिला सन्मान बचत प्रमाणपत्र आहे.

या योजनेत फक्त महिलाच पैसे जमा करू शकतात. मुली आणि विवाहित महिला यामध्ये गुंतवणूक करू शकतात. देशातील कोणत्याही पोस्ट ऑफिसमध्ये जाऊन तुम्ही योजनेअंतर्गत गुंतवणूक करू शकता. आजच्या या लेखात आपण या योजनेबद्दलच माहिती जाणून घेणार आहोत, चला तर मग थोडक्यात महिला सन्मान बचत योजनेबद्दल जाणून घेऊया…

महिला सन्मान बचत योजना 

अल्पवयीन मुलींच्या नावाने मुली, महिला आणि त्यांचे महिला पालक महिला सन्मान बचत प्रमाणपत्रात गुंतवणूक करू शकतात.

सध्या महिला सन्मान बचत प्रमाणपत्र योजनेत ७.५ टक्के व्याज दिले जात आहे. महिला सन्मान बचत प्रमाणपत्रात किमान 1000 रुपयांची गुंतवणूक करता येते. यानंतर, 1000 रुपयांच्या पटीत जास्तीत जास्त 2 लाख रुपये जमा करता येतील.

महिला सन्मान बचत प्रमाणपत्रात जमा केलेले पैसे आवश्यक असल्यास 6 महिन्यांनंतर काढता येतात. मात्र, त्याला व्याजाच्या स्वरूपात 2 टक्के तोटा सहन करावा लागणार आहे.

महिला सन्मान बचत प्रमाणपत्र मिळविण्यासाठी केवायसी करावे लागेल. महिला सन्मान बचत प्रमाणपत्रामध्ये गुंतवणूक करण्यासाठी पॅन आणि आधार क्रमांक द्यावा लागेल.

जर 10,000 रुपये महिला सन्मान बचत प्रमाणपत्रात गुंतवले तर 2 वर्षानंतर 11,602 रुपये मिळतील.

महिला सन्मान बचत प्रमाणपत्रामध्ये 1 लाख रुपये गुंतवले तर 2 वर्षानंतर तुम्हाला सुमारे 1.16 लाख रुपये मिळतील. महिला सन्मान बचत प्रमाणपत्रामध्ये जास्तीत जास्त 2 लाख रुपयांची गुंतवणूक केल्यास 2 वर्षानंतर सुमारे 2.32 लाख रुपये मिळतील.