PM Kisan Yojana: 10 कोटींहून अधिक शेतकरी (farmer) 12 व्या हप्त्याच्या प्रतीक्षेत आहेत. ताज्या अपडेटनुसार, ऑक्टोबर महिन्यात कोणत्याही दिवशी शेतकऱ्यांच्या खात्यावर 2,000 रुपयांचा हप्ता पाठवला जाऊ शकतो. दिवाळीपूर्वी (Diwali) ही रक्कम शेतकऱ्यांच्या खात्यावर पाठवून सरकार (government) त्यांना भेट देऊ शकते, असा विश्वास आहे. पीएम किसान योजनेअंतर्गत (PM Kisan Yojana) दर चार महिन्यांच्या अंतराने मिळणारी ही रक्कम दोन हजार रुपये आहे. याअंतर्गत शेतकऱ्यांना वर्षभरात एकूण 6 हजार रुपयांची आर्थिक मदत दिली जाते.
विलंब का होतोय –
जमिनीच्या नोंदींच्या (land records) पडताळणीमुळे पंतप्रधान किसान सन्मान निधी योजना जारी करण्यास विलंब होत आहे. सप्टेंबर महिन्यात ही रक्कम शेतकऱ्यांच्या खात्यावर जमा होणार होती. मात्र ई-केवायसी (e-KYC) आणि भुलेखांची पडताळणी यामुळे सध्या विलंब होत आहे.
तुम्ही पीएम किसान सन्मान निधी योजनेसाठी पात्र असाल आणि तुम्हाला दोन हजार रुपये मिळवायचे असतील, तर तुमच्या भुलेखांच्या पडताळणीसह ई-केवायसीची प्रक्रिया लवकरात लवकर पूर्ण करा. असे न करणाऱ्या शेतकऱ्यांना बाराव्या हप्त्यापासून वंचित राहावे लागू शकते.
याप्रमाणे यादीतील नाव तपासा –
यावेळी पीएम किसान योजनेच्या लाभार्थ्यांच्या संख्येत मोठी घट होऊ शकते. उत्तर प्रदेशमध्ये 21 लाख शेतकरी पीएम किसान योजनेसाठी अपात्र घोषित करण्यात आले आहेत. देशातील इतर राज्यांमध्ये मोठ्या प्रमाणात शेतकरी अपात्र असल्याचे आढळून येत आहे. लाभार्थी यादीत तुमचे नाव पाहण्यासाठी पीएम किसान योजनेच्या अधिकृत वेबसाइटला भेट द्या.
फार्मर्स कॉर्नरवर क्लिक केल्यानंतर, लाभार्थी स्थिती पर्यायावर क्लिक करा. तुमच्या समोर एक नवीन पेज उघडेल. येथे तुम्ही तुमचा आधार क्रमांक, मोबाईल क्रमांक टाका. येथे तुम्हाला तुमच्या आगामी हप्त्याविषयी सर्व माहिती मिळेल.
येथे तक्रार करा
तुम्हाला 12व्या हप्त्याबाबत काही शंका किंवा तक्रारी असल्यास, तुम्ही हेल्पलाइन क्रमांक- 155261 किंवा 1800115526 (टोल फ्री) किंवा 011-23381092 या पीएम किसान योजनेच्या क्रमांकावर संपर्क साधू शकता. याशिवाय, तुम्ही तुमची तक्रार ई-मेल आयडी (pmkisan-ict@gov.in) वर मेल करू शकता.