Android alert : जर तुम्ही Samsung, LG, Xiaomi वापरकर्ते असाल तर तुमच्यासाठी वाईट बातमी आहे. कारण आता स्मार्टफोन हॅकिंग आणि ऑनलाइन फसवणुकीच्या घटनांमध्ये वाढ होत आहे.
हॅकर्स मॅलिशियस अ‍ॅपद्वारे फसवणूक करत असून Samsung, LG, Xiaomi या वापरकर्त्यांना धोका निर्माण झाला आहे. याबाबत APVI ने अहवाल सादर केला आहे.
अहवालानुसार नवीन त्रुटींमुळे दुर्भावनापूर्ण प्रोग्राम्सना प्रभावित डिव्हाइसच्या सिस्टममध्ये छेडछाड करण्याची परवानगी मिळते. माहितीनुसार, अँड्रॉईड ओईएम वापरत असलेली साइनिंग Key कंपन्यांच्या बाहेर लीक झाली आहे. या Key च्या मदतीने, ऑपरेटिंग सिस्टम साइन इन केले जाते.
हे आहे खरे कारण
स्मार्टफोन कंपन्या डिव्हाइसमध्ये साइन इन करण्यासाठी एक की सुनिश्चित करतात, जी Android साठी कायदेशीर आहे आणि Android OEM द्वारे बनविली जाते. याच Key च्या मदतीने आता वेगवेगळ्या अॅप्समध्ये साइन इन करता येते.
ही Key आता स्कॅमर आणि हॅकर्ससाठी उपलब्ध असल्याने, हॅकर्स या कमकुवतपणाचा फायदा घेऊन वापरकर्त्यांच्या डेटामध्ये प्रवेश मिळवू शकतात. त्यामुळेच सॅमसंग, एलजी आणि शाओमी वापरकर्त्यांसाठी धोका वाढला आहे.
नवीन Key झाल्या लीक
असा दावा केला जात आहे की Samsung, LG आणि Xiaomi सोबत Mediatek Revoview आणि szroco सारख्या कंपन्यांच्या Key लीक झाल्या आहेत.
या स्टेप करा फॉलो
गुगलच्या म्हणण्यानुसार, या वर्षी मे महिन्यात ही समस्या समोर आली होती, त्यानंतर सॅमसंगसह अनेक कंपन्यांनी याच्या धोक्यावर नियंत्रण ठेवण्यासाठी महत्त्वपूर्ण पावले उचलली आहेत.
सुरक्षित राहण्यासाठी, वापरकर्त्यांनी त्यांचे फोन नवीनतम सॉफ्टवेअर आणि अॅप्ससह अपडेट करणे आवश्यक आहे. त्याचबरोबर, कोणत्याही थर्ड पार्टी अॅपच्या मदतीने अॅप डाउनलोड करणे आणि स्थापित करणे टाळा.