Travel Insurance : देशातील लाखो लोक दररोज रेल्वेने प्रवास करत आहेत. रेल्वेचे तिकीटही खूप कमी असते. रेल्वेला देशाची जीवनवाहिनी असेही म्हणतात. आपल्या प्रवाशांसाठी रेल्वे सतत नवनवीन सुविधा घेऊन येत असते. परंतु, आजही असे अनेक प्रवासी आहेत त्यांना रेल्वेच्या सुविधांबद्दल कोणतीही माहिती नसते.
अशातच आता रेल्वेने आपल्या प्रवाशांसाठी प्रवास विम्याची सुविधा आणली आहे. जर तुम्ही याचा लाभ घेतला तर तुम्हाला याचा लाखो रुपयांचा फायदा होऊ शकतो. यासाठी तुम्हाला जास्त काहीही करण्याची गरज नाही. फक्त 35 रुपयात तुमचे काम होईल.
आता तुम्हाला ट्रेनचे तिकीट काढताना काही पैशांऐवजी 10 लाख रुपयांपर्यंतचे विमा संरक्षण घेता येते. रेल्वे अपघातात झालेल्या नुकसानीची भरपाई करण्यासाठी हा विमा खूप फायद्याचा आहे.
असा मिळवा प्रवास विमा
समजा जर तुम्हाला ट्रेनमध्ये ट्रॅव्हल इन्शुरन्स घ्यायचा असल्यास तुम्हाला तिकीट बुक करताना त्यासाठी अर्ज करावा लागणार आहे. जेव्हा IRCTC वरून रेल्वे तिकीट ऑनलाइन खरेदी करण्यात येते तेव्हा त्यात प्रवास विम्याचा पर्याय मिळतो. जर तुम्ही ते निवडले तर तुम्हाला यासाठी केवळ 35 रुपये द्यावे लागणार आहेत. त्या बदल्यात, IRCTC तुम्हाला 10 लाख रुपयांपर्यंतचे कव्हर देत आहे.
त्यामुळे आता प्रत्येक प्रवाशाने तिकीट खरेदी करत असताना ३५ रुपये भरून हा विमा काढलाच पाहिजे, असे जाणकारांचे मत आहे. समजा एखादी दुर्घटना घडली तर याचा तुम्हाला खूप फायदा होऊ शकतो. तसेच जेव्हा तुम्ही 35 रुपये भरून विमा काढता, तेव्हा तिकीट बुक होताच ईमेल आणि मेसेजद्वारे कागदपत्र पाठवण्यात येते. ते उघडल्यानंतर, नामनिर्देशित व्यक्तीचे तपशील त्वरित भरावे. नाहीतर तुम्हाला भविष्यात दावा करताना समस्या येईल.
किती कव्हर दिला जातो?
आयआरसीटीसीच्या वेबसाइटनुसार, कलम 123, 124 आणि 124ए अंतर्गत पात्रता रेल्वे अधिनियम 1989 नुसार विहित केली आहे.
प्रवाशाचा मृत्यू झाल्यास – 10 लाख रुपये (100 टक्के)
पूर्णपणे अक्षम – रु 10 लाख (100 टक्के)
अंशतः कायमस्वरूपी अपंगत्व – रु 7.5 लाख
दुखापत झाल्यास हॉस्पिटलायझेशन खर्चासाठी – रु. 2 लाख
मृत अवशेषांच्या वाहतुकीसाठी – 10,000 रु
जाणून घ्या नियम आणि अटी