TVS Ronin 225cc: TVS मोटर कंपनी (TVS Motor Company) या आठवड्यात बुधवारी भारतात एक नवीन बाईक लॉन्च करणार आहे. ही एक क्रूझर, कॅफे रेसर बाईक आहे. त्याचे नाव TVS Ronin असेल आणि ही 225 cc सेगमेंटची मोटरसायकल असेल. चला तर जाणून घ्या या बाईकबद्दल सर्व काही.
TVS Ronin 225cc लुक आणि फीचर्स
TVS च्या आगामी बाईक लाँच होण्यापूर्वीच फोटो लीक झाला आहे. लीक झालेल्या फोटोनुसार, TVS Ronin हा पॉवरफुल लुक तसेच अनेक नवीन फीचर्सने सुसज्ज आहे. यात 5-स्पीड गिअरबॉक्स मिळेल. TVS मोटर कंपनी (TVS Motor Company
स्लींडर फ्युएल टँक, ड्युअल टोन कलर स्कीम, मजबूत गोल्ड फिनिश्ड टेलिस्कोपिक फ्रंट फोर्क्स, अलॉय व्हील्स, टी-शेप एलईडी डीआरएलसह फुल एलईडी हेडलॅम्प, एलईडी टर्न इंडिकेटर आणि राउंड शेप इन्स्ट्रुमेंट क्लस्टर देखील या बाइकमध्ये पाहायला मिळतील.
कंपनीने आगामी मॉडेलबद्दल काहीही माहिती दिलेली नाही तरीपण ती निओ-क्लासिक शैलीतील TVS Ronin 225cc बाईक असण्याची शक्यता आहे. TVS बाईकचे अधिकृत स्पेसिफिकेशन्स अजून समोर आलेले नाहीत.
बाईकच्या हार्डवेअरबद्दल सांगायचे तर, रोनिन एअर आणि ऑइल-कूल्ड इंजिनने सुसज्ज असेल. लीक झालेल्या माहितीनुसार, या TVS मोटरसायकलमध्ये 223cc सिंगल-सिलेंडर मोटर दिली जाऊ शकते, ज्याचे आउटपुट सुमारे 20bhp आणि 20Nm पर्यंत टॉर्क असू शकते. बाईकला समोरचे वरचे-खाली फॉर्क्स, मागील मोनो-शॉक आणि दोन्ही चाकांवर डिस्क ब्रेक्स मिळतात.
कंपनीने काही वर्षांपूर्वी ऑटो एक्सपोमध्ये झेपेलिन पॉवर क्रूझर मोटरसायकलची संकल्पना सादर केली होती, परंतु रोनिन या संकल्पनेपेक्षा खूपच वेगळी दिसते. ही बाईक सरळ सीटिंग पोझिशनसह येणार आहे.
या बाईकचे डिझाईन ट्रायम्फ ट्रायडंट सारखे आहे, ही बाईक दिसायला खूपच कॉम्पॅक्ट आहे. TVS भारतीय बाजारपेठेत अनेक वर्षांपासून सक्रिय आहे आणि कंपनीच्या बाइक्सना भारतात बजेट सेगमेंटमध्ये चांगलीच पसंती मिळत आहे.