Washington Apple
Washington Apple : वॉशिंग्टन ॲपलच्या आयात शुल्कात 20 टक्के कपात करण्याचा निर्णय घेण्यात आला आहे. लवकरच या निर्णयाची अंमलबजावणी होणार आहे. त्यामुळे भारतीय सफरचंद उत्पादकांना मोठा फटका बसणार आहे.
सरकारकडून अमेरिकेच्या वॉशिंग्टन ॲपलवरील आयात शुल्कात २० टक्के कपात करण्यात येणार आहे. गेल्या काही दिवसांपूर्वी अमेरिकेच्या वॉशिंग्टन अॅपलच्या ५० टक्के शुल्कामध्ये २० टक्के वाढ करण्यात आली होती.
पंतप्रधान नरेंद्र मोदी हे सध्या अमेरिकेच्या दौऱ्यावर आहेत. या दौऱ्यामध्ये नरेंद्र मोदी यांनी वॉशिंग्टन ॲपलच्या शुल्कात कपात करण्याचा निर्णय घेण्यात आला आहे. या निर्णयाची अंमलबजावणी येत्या ९० दिवसांत होणार आहे. लवकरच भारतामध्ये या अमेरिकन ऍपलची आयात वाढणार आहे.
ट्रिब्यून इंडियाच्या अहवालानुसार, उत्पादक आणि दलाल यांच्या मते, उच्च दर्जाचे वॉशिंग्टन सफरचंद प्रीमियम स्थानिक उत्पादनांवर परिणाम करेल, जे चालू हंगाम (जुलै ते नोव्हेंबर) संपल्यानंतर बाजारात आणले जाईल.
सफरचंद उत्पादकांचे आर्थिक नुकसान होणार आहे
हिल स्टेट हॉर्टिकल्चर फोरमचे संयोजक हरीश चौहान म्हणाले, “केंद्राच्या या निर्णयामुळे हिमाचल प्रदेश, काश्मीर आणि उत्तराखंडच्या बागायतदारांचे आर्थिक नुकसान होणार आहे. वॉशिंग्टन ऍपल हे उच्च दर्जाचे सफरचंद आहे.
70 टक्के आयात शुल्काने ते एका वेगळ्या लीगमध्ये ढकलले जेथे ते प्रीमियम भारतीय सफरचंदांशी स्पर्धा करू शकत नाही. आयात शुल्कात कपात केल्याने त्याची किंमत जवळपास प्रीमियम भारतीय सफरचंदांच्या किंमतीइतकीच असेल. त्याची गुणवत्ता पाहता, आमचे सफरचंद त्याच्याशी स्पर्धा करण्यासाठी संघर्ष करेल.”
‘उत्पादन कमी असले तरी ते चांगले उत्पन्न मिळवू शकणार नाहीत’
प्रोग्रेसिव्ह ग्रोअर्स असोसिएशनचे अध्यक्ष लोकेंद्र बिश्त म्हणाले, “आयात केलेले अमेरिकन सफरचंद सप्टेंबरच्या आसपास बाजारात येईल, जेव्हा स्थानिक पातळीवर उत्पादित सफरचंदांची विक्री केली जाईल. जर आमच्या सफरचंदांची किंमत जास्त असेल तर लोक वॉशिंग्टन सफरचंद खरेदी करतील.”
पुढे बोलताना बिश्त म्हणाले की, केंद्र सरकारने आपल्या निर्णयावर पुनर्विचार करावा आणि आयात शुल्क 70 टक्के बहाल करावे. सरकारचा निर्णय अन्यायकारक आहे, विशेषत: अशा वेळी जेव्हा सफरचंद उत्पादक 100 टक्के आयात शुल्काची मागणी करत आहेत.