Mahindra Scorpio Classic 2022 : महिंद्रा स्कॉर्पिओ क्लासिकची किंमत किती असेल?

Mahindra Scorpio Classic 2022 : महिंद्रा अँड महिंद्राने (Mahindra and Mahindra) नुकतेच स्कॉर्पिओ क्लासिक (Scorpio Classic) लाँच केली आहे.

अहवालानुसार, कंपनी 20 ऑगस्ट 2022 रोजी नवीन SUV ची किंमत देखील जाहीर करणार आहे. 2022 महिंद्रा स्‍कार्पिओ क्‍लासिक ही मागच्या जनरेशनच्‍या स्‍कार्पिओची अपडेटेड वर्जन आहे. नवीन मॉडेल लाइनअप दोन वेरिएंटमध्ये उपलब्ध असेल  S आणि S11.

हे दोन सीटिंग 7 आणि 9 ऑप्शन कॉन्फिगरेशनमध्ये ऑफर केले जाईल . यासोबत कॅप्टन सीट आणि बेंच सीट दोन्हीचा ऑप्शन उपलब्ध होईल.

2022 Mahindra Scorpio Classic Design

महिंद्रा स्कॉर्पिओ क्लासिकच्या डिझाइन हायलाइट्समध्ये ‘ट्विन पीक्स’ लोगोसह नवीन फ्रंट ग्रिल, अपडेटेड फ्रंट बंपर, सिल्व्हर स्किड प्लेट, नवीन फॉग लॅम्प असेंब्ली, डायमंड कट फिनिश 17-इंच अलॉय व्हील, दरवाजांवर ड्युअल-टोन क्लेडिंग आणि लाल रंगाचा समावेश आहे. LED टेललॅम्प समाविष्ट आहेत.

Key changes in 2022 Mahindra Scorpio Classic

कंपनीचा दावा आहे की नवीन स्कॉर्पिओमध्ये दिलेली अपडेट मोटर पूर्वीपेक्षा 55 किलो हलकी आहे आणि 14 टक्के चांगले मायलेज देऊ शकते.

कंपनीने हैंडलिंग सुधारण्यासाठी काही मैकेनिकल अपडेट केले आहेत. त्याचा रोल स्टिफनेस वाढला आहे, तर बॉडी रोल कमी केला आहे. SUV चे स्टीयरिंग इनपुट देखील अपग्रेड केले गेले आहे आणि ते हाय स्पीड हैंडलिंग मिळवते.

Cabin of 2022 Mahindra Scorpio Classic

नवीन स्कॉर्पिओच्या केबिनमध्ये कमीत कमी बदल करण्यात आले आहेत. यात अँड्रॉइड ऑटो आणि स्क्रीन मिररिंग सपोर्टसह नवीन 9.0-इंचाची टचस्क्रीन इन्फोटेनमेंट सिस्टम मिळते. यात डॅशबोर्ड आणि सेंटर कन्सोलवर वुडेन इंसर्ट आहे. त्याचबरोबर स्टिअरिंग व्हीलमध्ये लेदर फिनिश देण्यात आले आहे.

याशिवाय, नवीन स्कॉर्पिओ क्लासिकला ग्रे आणि ब्लॅक इंटिरियर्ससह जुन्या मॉडेलच्या तुलनेत काळी आणि बेज थीम मिळते.

Engine of 2022 Mahindra Scorpio Classic

Mahindra Scorpio Classic मध्ये नवीन 2.2L Gen 2 mHawk टर्बो डिझेल इंजिन आहे. हे 132bhp पॉवर आणि 300Nm चा पीक टॉर्क जनरेट करते. यात 6-स्पीड मॅन्युअल गिअरबॉक्स मिळेल.