Women Bra The mistake of not wearing a bra can be
Women Bra : ब्रा (Bra) हा महिलांनी (women) परिधान केलेला अंतर्वस्त्र (undergarment) आहे. ब्रा घालण्याचे अनेक फायदे आहेत परंतु काही अभ्यासांमध्ये ब्रा घालण्याचे तोटे सांगण्यात आले आहेत.
अनेक महिलांना ब्रा मध्ये खूप अस्वस्थ वाटते. अशा परिस्थितीत आज आम्ही तुम्हाला ब्रा घालण्याचे (wearing a bra) काही फायदे (advantages) आणि तोटे (disadvantages) सांगणार आहोत.
अशा अनेक महिला आहेत ज्यांना ब्रा घालणे अजिबात आवडत नाही. ब्रा घातल्याने अनेक महिलांना गुदमरल्यासारखे वाटते. महिला सांगतात की त्यांना ब्रा घातल्याने खूप घट्ट वाटते.
वेगवेगळ्या आरोग्य तज्ज्ञांची ब्रा बाबत वेगवेगळी मते आहेत. काहींच्या मते ब्रा घातल्याने आरोग्याला हानी पोहोचत नाही, तर काहींच्या मते महिलांनी ब्रा घालणे अत्यंत आवश्यक आहे. ब्रा घालणे किंवा न घालणे ही प्रत्येक स्त्रीची स्वतःची वैयक्तिक पसंती असली तरी या संदर्भात आरोग्य तज्ञांचे काय म्हणणे आहे ते जाणून घेऊया?
आधी जाणून घ्या स्तनाविषयी काही महत्त्वाच्या गोष्टी
ब्राचे फायदे जाणून घेण्यापूर्वी, तुमच्या स्तनाविषयी (breast) जाणून घेणे तुमच्यासाठी खूप महत्त्वाचे आहे. स्तन ग्रंथीच्या ऊती आणि चरबीने बनलेले असतात. स्तन मजबूत ठेवण्यासाठी, कूपर लिगामेंट नावाचा एक अस्थिबंधन आहे.
ब्रा घालणे किंवा ब्रा न घालणे ही प्रत्येक स्त्रीची वैयक्तिक निवड असते. जर तुम्ही ब्रा घातली नाही तर तुम्ही तुमच्या स्तनाला इजा करत आहात किंवा ब्रा न घातल्याने काही आजारांचा धोका वाढू शकतो अशी भीती बाळगण्याची गरज नाही.
परंतु जेव्हा तुम्ही काही विशिष्ट वेळी ब्रा घालत नाही, तेव्हा ते तुमच्या स्तनांना नुकसान पोहोचवू शकते. चला तर मग जाणून घेऊया ब्रा घालण्याचे काही फायदे आणि तोटे.
न्यूयॉर्क शहरातील बोर्ड-प्रमाणित प्लास्टिक सर्जन आणि स्तन पुनर्रचना विशेषज्ञ एम चेन (M Chen) म्हणतात की जर तुमच्या स्तनाचा आकार मोठा असेल, तर ब्रा न घातल्याने तुम्हाला मानदुखीचा सामना करावा लागू शकतो.
द जर्नल ऑफ ऑर्थोपेडिक्समध्ये प्रकाशित झालेल्या एका अभ्यासात मोठ्या ब्रेस्ट कपचा आकार आणि खांदे किंवा मान दुखणे यांच्यातील दुवा आढळला. अभ्यासात असे आढळून आले की जेव्हा स्तनाचा आकार वाढतो तेव्हा ट्रॅपेझियस स्नायूंवर ताण येतो, ज्यामुळे मानेच्या मागच्या भागापासून खांद्यापर्यंत वेदना जाणवते.
अशा परिस्थितीत स्तनाला आधार देण्यासाठी आणि मानदुखी टाळण्यासाठी तुम्ही योग्य आकाराची ब्रा घालणे महत्त्वाचे आहे. बर्‍याच महिलांना ब्रा घालणे अजिबात आवडत नाही कारण त्यांना ब्रा घालताना खूप अस्वस्थ वाटते.
योग्य आकाराची आणि फॅब्रिकची ब्रा न घालणे हे याचे एक कारण असू शकते. चुकीची ब्रा घातल्याने तुमच्या स्तनांमध्ये वेदना होऊ शकतात. अशा अनेक महिला आहेत ज्या चुकीच्या आकाराची ब्रा घालतात. चुकीच्या आकाराची ब्रा घातल्याने तुम्हाला अस्वस्थता जाणवते तसेच स्तनात दुखणे अशा समस्यांना सामोरे जावे लागते.
त्याचप्रमाणे तुमच्या पॉश्चर आणि स्तनावरही याचा वाईट परिणाम होतो.जेव्हा तुम्ही वेल फिटेड ब्रा घालता तेव्हा तुम्हाला खूप हलकी वाटते आणि तुम्ही काहीही घातले आहे हे देखील तुम्हाला कळत नाही असं डॉक्टर पार्सल सांगतात.
खांद्यावर चट्टे तयार होणेजर तुमच्या स्तनाचा आकार जास्त असेल तर स्तनाच्या वजनामुळे तुमच्या खांद्यावर ब्राच्या पट्ट्या तयार होऊ शकतात. या खुणांमुळे तुम्हाला खांद्याच्या दुखण्याला सामोरे जावे लागू शकते.
अशा परिस्थितीत काही काळ ब्रा काढून टाकल्याने पाठ आणि स्तनामध्ये रक्त परिसंचरण योग्य प्रकारे होऊ शकते, ज्यामुळे तुमच्या त्वचेतील जळजळ कमी होऊ शकते. डॉक्टर पार्सल सांगतात की, स्तनातील रक्ताभिसरण व्यवस्थित होण्यासाठी तुम्ही रात्री झोपताना ब्रा घालू नका.
स्तनांना आधार
डॉ. चेन म्हणाले, ब्रा घातल्याने तुमच्या स्तनाला आधार मिळतो. चांगली ब्रा तुमच्या स्तनांना आधार देते आणि त्यांना लटकण्यापासून प्रतिबंधित करते.
ब्रेस्ट कॅन्सर (Breast Cancer)
अमेरिकन कॅन्सर सोसायटीच्या मते, इंटरनेटवरील अनेक अफवांमुळे असे मानले जाते की ब्रा घातल्याने स्तनाचा कर्करोग वाढतो. कारण ते लिम्फ प्रवाहात अडथळा आणते. मात्र ते अजिबात योग्य नाही. 2015 मध्ये झालेल्या एका अभ्यासानुसार, ब्रा घातल्याने स्तनाच्या कर्करोगाचा धोका वाढत नाही.
व्यायाम करताना ब्रालेस का नसावे
जर तुम्ही व्यायाम करत असाल किंवा धावायला जात असाल तर ब्रा घालणे महत्त्वाचे आहे. व्यायाम आणि धावताना ब्रा तुमच्या स्तनाचे संरक्षण करते.
वर्कआऊट करताना ब्रेस्टचे लिगामेंट्स ताणले जातात आणि जास्त वेळ ब्रा न घालता व्यायाम केल्याने स्तनाचा आकार खराब होतो. ब्रा शिवाय तीव्र कसरत करत असताना स्तनाभोवतीचे अस्थिबंधन ताणले जातात, त्यामुळे स्तन लटकायला लागतात.