Health Tips
Watermelon Good for Kidney Patients : उन्हाळ्याच्या हंगामात टरबूज भरपूर प्रमाणात सेवन केले जाते. पुरेशा प्रमाणात पाण्यासोबत या फळाचे सेवन केल्यास शरीराला अनोखे फायदे मिळतात. टरबूजमध्ये असलेले पोषक तत्व शरीरासाठी खूप फायदेशीर मानले जातात. शरीराला थंड ठेवण्यापासून ते पाण्याची कमतरता दूर करण्यापर्यंत टरबूजाचे सेवन आरोग्यासाठी फायदेशीर आहे.
पण टरबूज सर्व लोकांसाठी फायदेशीर आहे का? आज आम्ही याबद्दलच सांगणार आहोत. खरं तर टरबूजमध्ये क्रिएटिनिनचे प्रमाण जास्त असते, जे किडनीसाठी चांगले नाही असे म्हंटले जाते.
किडनी हा शरीरातील सर्वात महत्वाच्या अवयवांपैकी एक आहे. आहार आणि जीवनशैलीतील गडबडीचा थेट परिणाम किडनीवर होतो. चुकीच्या आहारामुळे मूत्रपिंडाच्या कार्यावर परिणाम होतो. पण कोणत्याही समस्येमध्ये टरबूजाचे सेवन फायदेशीर मानले जाते, परंतु आजारांनी त्रस्त असलेल्यांनी डॉक्टरांचा सल्ला घेतल्यानंतरच याचे सेवन करावे.
किडनीच्या समस्या दूर करू शकणारे कोणतेही सुपरफूड नाही. काही पदार्थांचे सेवन केल्याने किडनीला पोषक तत्वे मिळतात, ज्यामुळे त्याची कार्यक्षमता वाढण्यास मदत होते. तसेच टरबूज देखील किडनीच्या रुग्णांसाठी फायदेशीर आहे. त्यात असलेली जीवनसत्त्वे, खनिजे आणि फायबर या समस्या कमी करण्यास मदत करतात.
टरबूजमध्ये कॅल्शियम, मॅग्नेशियम, लोहासोबतच पाण्याचे प्रमाणही चांगले असते. याचे नियमित सेवन केल्यास त्वचा, पोट आणि पचनसंस्थेसह अनेक समस्यांपासून आराम मिळतो. किडनीच्या रुग्णांनी टरबूज खाल्ल्याने रक्ताभिसरण सुधारते आणि शरीरातील ऍसिडचे प्रमाण कमी होण्यास मदत होते. यामध्ये असलेले फायबर पोट आणि पचनसंस्थेला बरे करण्यास मदत करते.
काही लोक म्हणतात की टरबूज खाल्ल्याने क्रिएटिनिनची पातळी वाढते. तर असे अजिबात नाही. टरबूजमध्ये असलेले घटक क्रिएटिनिनची पातळी कमी करण्यास मदत करतात. मूत्रपिंडाच्या कार्यासाठी क्रिएटिनिन आवश्यक आहे, परंतु त्याचे प्रमाण वाढल्यास किडनीशी संबंधित समस्यांचा धोका वाढतो. टरबूजमध्ये लाइसोपीन नावाचे अँटी-ऑक्सिडंट आढळते, जे क्रिएटिनिनची पातळी कमी करण्यास मदत करते.
किडनी स्टोन ही आज मोठी समस्या आहे. आहारातील गडबड आणि असंतुलित जीवनशैलीमुळे किडनी स्टोनची समस्या उद्भवू शकते. किडनी स्टोनच्या बाबतीत टरबूज खाणे फायदेशीर आहे. टरबूजमध्ये असलेले चांगले पाणी आणि पोटॅशियम कॅल्शियम कमी करते. हे किडनी स्टोन तयार होण्यास प्रतिबंध करण्यास मदत करते. याशिवाय टरबूजमध्ये पाणी आणि इलेक्ट्रोलाइट्स असतात, जे किडनी स्टोन तयार होण्यास प्रतिबंध करतात.
टीप : टरबूज संतुलित प्रमाणात खाल्ल्याने अनेक गंभीर समस्यांवर नियंत्रण ठेवण्यास मदत होते. याचे सेवन केल्याने किडनीसह शरीराच्या अनेक भागांना फायदा होतो. पण कोणतीही समस्या किंवा आजार असल्यास टरबूज खाण्यापूर्वी डॉक्टरांचा सल्ला घ्यावा. तसेच कोणत्याही गोष्टीचे जास्त प्रमाणात सेवन करून नये, अन्यथा त्याचे उलट परिणाम जाणवतात.