IDBI Bank
IDBI Bank : दिवाळीपूर्वी IDBI बँकेने आपल्या ग्राहकांना एक खास गिफ्ट दिले आहे. बँकेने आयडीबीआय बँकेने अमृत महोत्सव एफडीमधील गुंतवणुकीची मुदत ३१ ऑक्टोबर ते ३० नोव्हेंबर २०२३ पर्यंत वाढवली आहे. अशास्थितीत आता ग्राहकांना येथे गुंतवणूक करण्यासाठी आणखी वेळ मिळाला आहे. सणासुदीच्या हंगामात ग्राहकांना गुंतवणुकीसाठी कोणतीही अडचण येऊ नये म्हणून बँकेने हा निर्णय घेतला आहे. ग्राहक आता या योजनेत 30 नोव्हेंबर 2023 पर्यंत गुंतवणूक करू शकणार आहेत.
येथे गुंतवणूक करून गुंतवणूकदारांना मोठा परतावा मिळवण्याची संधी आहे. IDBI बँक 375 दिवस आणि 444 दिवसांचे दोन विशेष एफडी अमृत महोत्सव चालवत आहे. बँक या FD योजनेवर सर्वाधिक व्याजदर देखील ऑफर करत आहे. या FD योजनेत गुंतवणूक करण्याची अंतिम तारीख 31 ऑक्टोबर 2023 होती, जी 30 नोव्हेंबर 2023 पर्यंत वाढवण्यात आली आहे. सणासुदीच्या ऑफर्स लक्षात घेऊन अमृत महोत्सव एफडी वाढवण्यात आल्याचे IDBI बँकेच्या वेबसाइटवर सांगण्यात आले आहे.
अमृत महोत्सव 444 दिवस FD
IDBI बँक नियमित ग्राहकांना NRI आणि NRO ग्राहकांना 444 दिवसांसाठी अमृत महोत्सव FD योजनेत गुंतवणुकीवर 7.15% व्याज दर देत आहे. ज्येष्ठ नागरिकांना ७.६५% दराने व्याज मिळत आहे. बँक गुंतवणूकदारांना ही FD मुदतीपूर्वी काढण्याची आणि बंद करण्याची परवानगी देते. आता 31 नोव्हेंबर 2023 पर्यंत 375 आणि 444 दिवसांच्या विशेष एफडीची मुदत वाढवण्यात आली आहे.
अमृत महोत्सव FD 375 दिवस
आयडीबीआय बँक 375 दिवसांसाठी अमृत महोत्सव एफडीमध्ये गुंतवणूक करणाऱ्या ज्येष्ठ नागरिकांना 7.65% व्याज देत आहे. त्याच वेळी, ते नियमित ग्राहक, NRI आणि NRO ग्राहकांना 375 दिवसांच्या FD वर 7.10% व्याज देत आहे. यात वेळेपूर्वी पैसे काढणे किंवा बंद करण्याचा पर्यायही दिला जातो.
IDBI बँकेचे सामान्य FD दर
-7-30 दिवस 3.00%
-31-45 दिवस 3.25%
-46- 90 दिवस 4.00%
-91-6 महिने 4.50%
-6 महिने 1 दिवस ते 1 वर्षापेक्षा कमी 5.75%
-1 वर्ष ते 2 वर्षे (375 दिवस आणि 444 दिवस वगळता) 6.80%
-2 वर्षे ते 5 वर्षे 6.50%
5 वर्षे ते 10 वर्षे 6.25%
10 वर्षे ते 20 वर्षे 4.80%
5 वर्षे 6.50%