Mistakes to Avoid After Eating : जेवल्यानंतर करू नका ‘या’ चुका, शरीराला पोहोचू शकते हानी !

Mistakes to Avoid After Eating : अनेकांना जेवल्यानंतर पचनसंस्थेशी संबंधित विविध समस्या उद्भवू लागतात. यामुळे बरेच जण जेवण टाळू लागतात. पण असे केल्यास आरोग्याला हानी पोहचू शकते, किंवा आरोग्य बिघडू शकते. जर तुम्हाला खाल्ल्यानंतर अपचन, फुगणे, गॅस, बद्धकोष्ठता आणि आंबट ढेकर येणे यासारख्या समस्यांना सामोरे जावे लागत असेल, तर तुम्ही जेवल्या नंतर काही चुका टाळल्या पाहिजे. ज्यामुळे तुम्हाला त्रास होत आहे.

या चुकांमुळे पचनसंस्थेशी संबंधित समस्यांसोबतच वजनही वेगाने वाढू लागते. जाणून घेऊया जेवल्या नंतर कोणत्या चुका टाळल्या पाहिजेत.

चहा

अनेकांना जेवल्यानंतर चहा पिण्याची सवय असते, जी शरीरासाठी हानिकारक ठरू शकते, यामुळे पोटही खराब होऊ शकते. म्हणून जेवल्यानंतर चहा शक्यतो टाळावा. चहा प्यायल्याने अन्नाचे पचन नीट होत नाही आणि पोट फुगण्याची समस्या देखील उद्भवू शकते. खाल्ल्यानंतर चहा प्यायल्याने शरीरात लोहाची कमतरता देखील होऊ शकते.

चॉकलेट

खिन्न खाल्ल्यानंतर चॉकलेट खाण्याची सवय असते त्यामुळे पचनसंस्था बिघडते आणि गॅस आणि अपचन सारख्या समस्या उद्भवू शकतात. चॉकलेटमध्ये असलेल्या कॅलरीजमुळे वजनही झपाट्याने वाढते आणि त्याच्या सेवनाने मधुमेहाचा धोकाही वाढतो. नियमितपणे चॉकलेट खाल्ल्याने अ‍ॅसिडिटीचा त्रासही होतो. म्हणून जेवल्या नंतर शक्यतो चॉकलेट खाणे टाळावे.

फळाचा रस

अनेकांना जेवणानंतर किंवा सोबत फळांचा रस पिण्याची सवय असते, जे शरीरासाठी हानिकारक असते आणि पोटात गॅस, अपचन आणि ऍसिडिटीच्या समस्या वाढवतात. अशा परिस्थितीत जेवणानंतर फळांचा रस पिणे टाळावे. असे केल्याने वजन वाढण्यासोबतच मधुमेहासारख्या आजारांचा धोकाही वाढतो. खाल्ल्यानंतर या चुका टाळल्या पाहिजेत. या चुकांमुळे पचनसंस्थेच्या नुकसानासोबतच वजनही झपाट्याने वाढते.

झोप

जेवल्यानंतर लगेच झोपल्यानेही पचनसंस्थेशी संबंधित अनेक समस्या उद्भवू शकतात. असे केल्याने अन्न पचत नाही आणि गॅस, फुगवणे, अपचन यांसारख्या समस्याही उद्भवू शकतात. जेवल्यानंतर लगेच झोपल्याने वजन झपाट्याने वाढते आणि त्यामुळे शरीरात अनेक आजारही होऊ शकतात.