Numerology
Numerology : राशीच्या आधारे जसे व्यक्तीचे भविष्य, वर्तमान याबद्दल सर्व गोष्टी कळू शकतात, त्याचप्रमाणे अंकशास्त्र देखील व्यक्तीच्या जीवनाविषयी अनेक गोष्टी सांगते. ज्याप्रमाणे प्रत्येक व्यक्तीची राशी असते, त्याचप्रमाणे मूलांक संख्या देखील असतो, मूलांक जन्मतारखेच्या आधारे काढला जातो. प्रत्येक व्यक्ती त्याच्या जन्मतारखेची संख्या एकत्र जोडून त्याची मूलांक संख्या काढू शकते.
अंकशास्त्र हे एक असे शास्त्र आहे ज्यामध्ये व्यक्तीचे नशीब आणि वर्तन याबद्दल अनेक गोष्टी जाणून घेता येतात. याद्वारे एखाद्या व्यक्तीचा स्वभाव आणि तो लोकांशी कसा वागतो हे देखील सहज जाणून घेता येते.
आपल्या आयुष्यात आपल्याला वेगवेगळ्या प्रकारची माणसे भेटतात. यातील काही लोक खूप छान असतात तर काहींचा सहवास आपल्याला आवडत नाही. आपल्या आवडत्या लोकांमध्येही काही स्वार्थी असतात. आज आम्ही तुम्हाला अशा लोकांबद्दल माहिती देणार जे खूप स्वार्थी स्वभावाचे असतात. आज आपण मूलांक 7 असणाऱ्या व्यक्तींबद्दल जाणून घेणार आहोत.
मूलांक 7
ज्या व्यक्तींचा जन्म महिन्याच्या 7, 16 आणि 25 तारखेला होतो, त्यांचा मूलांक क्रमांक सात असतो. अशा लोकांमध्ये स्वार्थी व्यक्तिमत्त्व असते आणि ते लोकांशी फक्त त्यांच्या स्वतःच्या स्वार्थासाठी संबंध ठेवताना दिसतात. त्यांच्या स्वभावामुळे ते कधीकधी लोकांचा गैरवापर देखील करतात.
मूलांक 7 असणाऱ्या व्यक्तींचा स्वभाव :-
-मूलांक 7 क्रमांकाचे लोक आत्मविश्वासाने भरलेले असतात आणि ते जे काही बोलतात ते खरे कसे सिद्ध करायचे हे त्यांना माहित असते.
-हे लोक वादात प्रथम असतात आणि नेहमी त्यांच्या शब्दांना इतरांपेक्षा जास्त महत्त्व देतात आणि स्वतःला वर ठेवू इच्छितात.
-हे लोक अतिशय निडर स्वभावाचे असतात. त्यांच्यावर कोणतेही काम सोपवले तरी ते पूर्ण करण्याची क्षमता त्यांच्यात असते. म्हणूनच हे लोक स्वतःला खूप महत्व देतात.
-या लोकांना त्यांच्या आयुष्यात अनेक समस्यांचा सामना करावा लागतो. त्यांना कौटुंबिक स्तरावरही अनेक समस्यांना तोंड द्यावे लागते, परंतु ते प्रत्येक प्रसंगाला धैर्याने सामोरे जातात.
-या लोकांचे आपल्या जोडीदारासोबतचे नाते काही खास नसते. ते नेहमी भांडत राहतात.