राहुरी :- नादुरुस्त ट्रकवर पाठीमागून दुसरा ट्रक धडकला. या अपघातात एकजण ठार झाला. शुक्रवारी पहाटे ३ दरम्यान नगर-मनमाड मार्गावरील गुहा परिसरात हा अपघात झाला.
मृताचे नाव सुनील दत्तू हलवर (२६, घोडेगाव चौकी, मालेगाव) आहे. हलवार ट्रकमध्ये मालेगाव येथून कोंबडी खाद्य घेऊन नगरच्या दिशेला चालले होते.
गुहा परिसरातील कृष्णा हाॅटेलजवळ ट्रकचा टायर फुटल्याने मदतीसाठी दुसऱ्या ट्रकची वाट पहात तो थांबला होता. ओळखीचा ट्रक आला.
या ट्रकचे हेडलाईट बंद पडल्याने सुनील मदतीसाठी जवळ गेला. दुरुस्तीचे काम सुरू असतानाच पाठीमागून आलेला ट्रक दुरुस्ती चालू असलेल्या ट्रकवर धडकल्याने सुनीलचा जागीच मृत्यू झाला.