Best SIP Plans
Best SIP Plans : बँक, पोस्ट ऑफिसमध्ये आणि आरडीप्रमाणेच, म्युच्युअल फंडामध्ये देखील गुंतवणुकीचे अनेक पर्याय उपलब्ध आहेत. या गुंतवणुका जरी जोखमीच्या असल्या तरी देखील या चांगला परतावा देतात. म्युच्युअल फंडमधील अशीच एक गुंतवणूक म्हणजे SIP. येथे गुंतवणूक करण्याचे अनेक फायदे आहेत.
जसे की, येथे कमी पैशात देखील गुंतणूक करता येते. आवश्यक असल्यास, ही गुंतवणूक मध्यभागी थांबवली देखील जाऊ शकते आणि नंतर पुन्हा सुरू केले जाऊ शकते. SIP मध्ये आणखी बरेच फायदे आहेत.
एका चांगल्या म्युच्युअल फंड योजनेत 5 वर्षांसाठी दरमहा 1000 ची SIP केली, तर 12% परताव्यानुसार सुमारे 82,000 रुपयेचा निधी तयार केला जाऊ शकतो. येथे तुम्ही 60,000 रुपये जमा कराल, तर तुम्हाला सुमारे 22,000 रुपये परतावा मिळतील.
दुसरीकडे, चांगल्या म्युच्युअल फंड योजनेत तुम्ही 10 वर्षांसाठी दरमहा 1000 रुपयाची SIP केली, तर 12% परताव्यानुसार सुमारे 2.32 लाख रुपयांचा निधी तयार केला जाऊ शकतो. येथे तुम्ही 1.20 लाख रुपये जमा केले तर तुम्हाला रिटर्न म्हणून सुमारे 1.12 लाख रुपये मिळतील.
गुंतवणुकीचा कालावधी 15 वर्षांसाठी केला आणि दरमहा 1000 रुपयाची SIP केली, तर 12% परताव्यानुसार सुमारे 5.04 लाख रुपयांचा निधी तयार केला जाऊ शकतो. येथे तुम्ही 1.80 लाख रुपये जमा कराल, तर तुम्हाला रिटर्न म्हणून सुमारे 3.24 लाख रुपये मिळतील.
दुसरीकडे, चांगल्या म्युच्युअल फंड योजनेत 20 वर्षांसाठी दरमहा 1000 ची SIP केली, तर 12% परताव्यानुसार सुमारे 10.00 लाख रुपयांचा निधी तयार केला जाऊ शकतो. येथे तुम्ही 2.40 लाख रुपये जमा कराल, तर तुम्हाला रिटर्न म्हणून सुमारे 7.60 लाख रुपये मिळतील.
हाच कालावधी तुम्ही 25 वर्षांसाठी केला आणि दरमहा 1000 ची SIP केली, तर 12% परताव्यानुसार सुमारे 18.97 लाख रुपयांचा निधी तयार केला जाऊ शकतो. येथे तुम्ही 3.00 लाख रुपये जमा कराल, तर तुम्हाला रिटर्न म्हणून सुमारे 15.97 लाख रुपये मिळतील.
आणि जर एखाद्या चांगल्या म्युच्युअल फंड योजनेत 30 वर्षांसाठी दरमहा रु. 1000 ची SIP केली तर 12% परताव्यानुसार सुमारे 35.29 लाख रुपयांचा निधी तयार केला जाऊ शकतो. येथे तुम्ही 3.60 लाख रुपये जमा कराल, तर तुम्हाला रिटर्न म्हणून सुमारे 31.69 लाख रुपये मिळतील.
गुंतवणुकीचा वेळ जसजसा वाढत जातो तसतसा तुमचा परतावा झपाट्याने वाढतो हे येथे दिसून येते. याचे सर्वात मोठे कारण म्हणजे तुमच्या जमा केलेल्या पैशांव्यतिरिक्त तुम्हाला तयार निधीवरही परतावा मिळतो. यामुळेच म्युच्युअल फंडात SIP च्या माध्यमातून मोठा निधी सहज तयार करता येतो.