Multibagger Stocks
Multibagger Stocks : गेल्या काही दिवसांपासून रेल्वे विकास निगम लिमिटेडच्या शेअर्समध्ये वादळी वाढ झाली आहे. रेल्वे कंपनीचे शेअर्स सोमवारी 13 टक्क्यांहून अधिक वाढून 567.60 रुपयांवर पोहोचले आहेत. रेल विकास निगम लिमिटेडचे शेअर सर्वकालीन उच्चांकावर पोहोचले आहेत. 5 दिवसात रेल्वे कंपनीच्या शेअर्समध्ये 35 टक्के वाढ झाली आहे.
त्याच वेळी, गेल्या 6 महिन्यांत, रेल विकास निगम लिमिटेडच्या शेअर्समध्ये 205 टक्केची वाढ झाली आहे. तर कंपनीच्या शेअर्सची 52 आठवड्यांची नीचांकी पातळी 117.35 रुपये आहे.
रेल विकास निगम लिमिटेड (RVNL) च्या शेअर्समध्ये गेल्या 4 वर्षांहून अधिक काळात झपाट्याने वाढ झाली आहे. 27 मार्च 2020 रोजी रेल विकास निगमचे शेअर्स 12.80 रुपयांवर होते. आणि आज 8 जुलै 2024 रोजी रेल्वे कंपनीचे शेअर्स 567.60 रुपयांवर पोहोचले आहेत.
या कालावधीत रेल विकास निगम लिमिटेडचे शेअर्स 4200 टक्के पेक्षा जास्त वाढले आहेत. जर एखाद्या व्यक्तीने 27 मार्च 2020 रोजी रेल्वे कंपनीच्या शेअर्समध्ये 1 लाख रुपयांची गुंतवणूक केली असती आणि त्याची गुंतवणूक कायम ठेवली असती, तर सध्या 1 लाख रुपयांना खरेदी केलेल्या शेअर्सचे मूल्य 44.34 लाख रुपये झाले असते.
गेल्या एका वर्षात रेल विकास निगम लिमिटेडच्या शेअर्समध्ये 355 टक्के वाढ झाली आहे. 10 जुलै 2023 रोजी रेल्वे कंपनीचे शेअर्स 122.25 रुपयांवर होते. 8 जुलै 2024 रोजी रेल विकास निगम लिमिटेडचे शेअर्स 567.60 रुपयांवर पोहोचले आहेत. गेल्या 6 महिन्यांत कंपनीचे शेअर्स 205 टक्के पेक्षा जास्त वाढले आहेत.
रेल्वे कंपनीच्या शेअर्सने अवघ्या 3 महिन्यांत गुंतवणूकदारांचे पैसे दुप्पट केले आहेत. रेल विकास निगम लिमिटेडच्या शेअर्समध्ये 3 महिन्यांत 113 टक्के पेक्षा जास्त वाढ झाली आहे. 8 एप्रिल 2024 रोजी रेल्वे कंपनीचे शेअर्स 264.35 रुपयांवर होते. 8 जुलै 2024 रोजी कंपनीचे शेअर्स 567.60 रुपयांवर पोहोचले आहेत.