Fixed Deposit
Fixed Deposit : सर्वत्र दिवाळीचा सण मोठ्या थाटामाटात साजरा केला जात आहे. अशातच बरेच दिवाळीच्या दिवसांत गुंतवणूक देखील मोठ्या प्रमाणात करतात, पण गुंतवणूक करताना विशेष काळजी घेणे फार महत्वाचे आहे. आज आम्ही तुम्हाला गुंतवणूक करताना कोणती काळजी घेतली पाहजे हेच सांगणार आहोत.
दिवाळीच्या शुभ मुहूर्तावर गुंतवणूकदार नवीन व्यवसायात गुंतवणूक करतात. पण ज्यांना त्यांच्या बचतीवर निश्चित उत्पन्न हवा आहे असे गुंतवणूकदार मुदत ठेवींमध्ये गुंतवणूक करण्यास प्राधान्य देतात. कारण मुदत ठेवींमधील गुंतवणूक ही कमी जोखमीची गुंतवणुक असते.
अशातच तुम्हीही सुरक्षित गुंतवणुकीचा पर्याय शोधत असाल तर या दिवाळीत तुम्ही मुदत ठेवींमध्ये गुंतवणूक करू शकता. तथापि, मुदत ठेवींमध्ये गुंतवणूक करण्यापूर्वी, आपल्याला अनेक गोष्टी माहित असणे आवश्यक आहे. तुम्हीही सणासुदीच्या काळात एफडी करण्याचा विचार करत असाल तर या गोष्टी लक्षात ठेवणे तुमच्यासाठी महत्वाचे ठरेल.
व्याजदर
गुंतवणूक करताना, नेहमी बँक किंवा वित्तीय संस्थेच्या एफडीवर दिले जाणारे व्याजदर लक्षात ठेवा. कोणती बँक जास्त व्याज देत आहे का? हे पहा. आणि प्रत्येक बँकेच्या एफडी दरांची तुलना करा. आणि मगच तुम्हाला योग्य असलेल्या एफडीमध्ये गुंतवणूक करा.
कालावधी
एफडीमध्ये गुंतवणूक करण्यासाठी कालावधी महत्त्वाचा असतो. साधारणपणे, कार्यकाळ जितका जास्त तितका जास्त व्याज. बहुतेक बँका 1 ते 3 वर्षांच्या FD वर जास्त व्याज देतात.
रक्कम
प्रत्येक बँकेची एफडी रक्कम वेगळी असते. FD मध्ये गुंतवणूक करताना बँकेचे नियम नक्की पहा.
व्याजाचा भरणा
व्याजाचे पैसे तिमाही किंवा वार्षिक कसे चालले आहेत ते तपासा. अनेक बँका मॅच्युरिटीवर एकत्रित व्याज देतात. अनेक बँका दरवर्षी व्याज देतात.
एफडी रिटर्न कॅल्क्युलेटर
एफडी रिटर्न कॅल्क्युलेटर हा एक उपयुक्त पर्याय आहे ज्याद्वारे तुम्ही व्याज मोजू शकता.
सुरक्षितता
कोणत्याही स्मॉल फायनान्स बँकेत गुंतवणूक करण्यापूर्वी, त्याचे रेटिंग निश्चितपणे तपासा.
कर
FD वर मिळणाऱ्या व्याजावर कर आकारला जातो. त्यामुळे हे आधी समजून घेणे गरजेचे आहे.