Fixed Deposits
Fixed Deposits : मुदत ठेवी हा आता खात्रीशीर परतावा देणारा गुंतवणूक पर्याय बनला आहे. बहुतेकजण येथे गुंतवणूक करण्यास प्राधान्य देत आहेत. रेपो दरांमध्ये सातत्याने वाढ होत असल्याने, ग्राहक आता बँकांकडून देऊ केलेल्या उच्च व्याजदरांसह एफडीचा लाभ घेत आहेत. जर तुम्ही जास्त व्याजासाठी FD मध्ये गुंतवणूक करणार असाल तर तुम्ही या FD मध्ये गुंतवणूक करू शकता. येथे गुंतवणूक करून तुम्हाला चांगले व्याज मिळू शकतात. एफडी हा केवळ सुरक्षित गुंतवणुकीचा पर्याय नसून आता तो चांगल्या परताव्याचे साधनही बनला आहे.
आज आम्ही तुम्हाला अशा बँकांबद्दल सांगत आहोत ज्या तुमच्या ठेवींवर जास्त व्याज देत आहेत. या यादीत सरकारी ते खासगी बँकांपर्यंत सर्वांचा समावेश आहे. चला तर मग कोणत्या बँका जास्त व्याजदर ऑफर करत आहेत ते पाहूया…
फेडरल बँक एफडी व्याजदर
सात दिवसांपासून ते दहा वर्षांपर्यंतच्या कालावधीसाठी, फेडरल बँक 3 टक्के ते 7.3 टक्के आणि ज्येष्ठ नागरिकांना 3.5 टक्के ते 7.8 टक्के व्याजदर देते. हे व्याजदर 1 सप्टेंबर 2023 पासून लागू आहेत.
इंडसइंड बँक एफडी व्याजदर
सात दिवसांपासून ते दहा वर्षांपर्यंतच्या कालावधीसाठी, इंडसलँड बँक ३.५ टक्के ते ७.५ टक्के आणि ज्येष्ठ नागरिकांसाठी ४.२५ टक्के ते ८.२५ टक्के व्याजदर देते. हे दर 5 ऑगस्ट 2023 पासून लागू आहेत.
पंजाब नॅशनल बँक एफडी व्याजदर
सात दिवसांपासून ते दहा वर्षांच्या कालावधीसाठी, PNB 3.5 टक्के ते 7.25 टक्के आणि ज्येष्ठ नागरिकांसाठी 4 टक्के ते 7.75 टक्के व्याजदर देते. 444 दिवसांच्या कालावधीसाठी सर्वाधिक 7.25 टक्के व्याजदर दिला जात आहे.
कॅनरा बँक एफडी व्याजदर
सात दिवसांपासून ते दहा वर्षांपर्यंतच्या कालावधीसाठी, कॅनरा बँक 4 टक्के ते 7.25 टक्के आणि ज्येष्ठ नागरिकांसाठी 4 टक्के ते 7.75 टक्के व्याजदर देत आहे. 444 दिवसांच्या कालावधीसाठी सर्वाधिक 7.25 टक्के व्याजदर दिला जातो.
बँक ऑफ बडोदा एफडी व्याजदर
सात दिवसांपासून ते दहा वर्षांच्या कालावधीसाठी, बँक ऑफ बडोदा नियमित लोकांसाठी 3 टक्के ते 7.25 टक्के आणि ज्येष्ठ नागरिकांसाठी 3.5 टक्के ते 7.75 टक्के व्याजदर ऑफर करत आहे.