Electricity Connection Rule: सरकारने बदलले वीज जोडणीशी संबंधित नियम! आधी वाचा नियम आणि नंतर करा नवीन वीज जोडणीसाठी अर्ज

Electricity Connection Rule:- विजेचा वापर हा दररोजच्या अनेक कामांसाठी केला जातो. घरातील अनेक प्रकारचे उपकरणांपासून तर शेतातील इलेक्ट्रिक पंपांपर्यंत आपल्याला विजेची गरज भासत असते. परंतु या विजेचा वापर करता तुमच्याकडे वैध वीज कनेक्शन असणे गरजेचे आहे.

परंतु नवीन वीज कनेक्शन घ्यायचे म्हटले म्हणजे त्याला भरपूर प्रमाणामध्ये वेळ लागण्याची शक्यता असते. जर आपणास जुने नियमांचा विचार केला तर ग्रामीण भागामध्ये म्हणजे गावामध्ये तुम्हाला नवीन वीज मीटर घ्यायचे असेल तर तीस दिवस थांबावे लागते.

परंतु आता नवीन वीज कनेक्शनच्या बाबतीत विचार केला तर सरकारच्या माध्यमातून आता यामध्ये बरेच बदल करण्यात आलेले असून वीज ग्राहकांना नवीन कनेक्शन नियमांमध्ये बदल करण्यात आला आहे व यासंबंधी 23 फेब्रुवारी रोजी जारी केलेल्या एका निवेदनात ऊर्जा मंत्रालयाच्या माध्यमातून सांगण्यात आले आहे की, सरकारने या संबंधी वीज( ग्राहक हक्क) नियम, 2020 मध्ये सुधारणा करायला मान्यता दिलेली आहे.

 मेट्रो शहरांमध्ये तीन दिवसात व गावांमध्ये पंधरा दिवसात दिली जाईल वीस जोडणी

जर निवेदनानुसार पाहिले तर मेट्रो शहरांमध्ये नवीन वीज जोडणी मिळण्याची वेळ सात दिवसांवरून आता तीन दिवसांवर आणण्यात आली असून ग्रामीण भागामध्ये आता 30 दिवसांऐवजी पंधरा दिवसांमध्ये नवीन वीज कनेक्शन मिळणार आहे.

सोबतच ग्रामीण भागामध्ये आणि डोंगराळ परिसरात नवीन कनेक्शन घ्यायचे असेल किंवा सध्याचे कनेक्शन आहे त्याची पुनरावृत्ती करायची असेल तर त्याच्या मुदतीत कुठलाच बदल करण्यात आला नसून ते 30 दिवसच पूर्वीप्रमाणे ठेवण्यात आलेले आहे.

 विजेचे रीडिंग चुकीचे असेल तर नवीन मीटर बसवण्यात येईल

समजा मीटरची रीडिंग जर तुमचा वीज वापर जितका आहे त्या अनुषंगाने होत नसेल व त्यासंबंधीची तक्रार असेल तर वीज वितरण परवाना धारकाला आता तक्रार मिळाल्यापासून पाच दिवसाच्या आतमध्ये अतिरिक्त मीटर बसावे लागणार आहे

व हे अतिरिक्त मीटर रिडींगच्या पडताळणी करिता वापरले जाणार आहे. नवीन नियमामध्ये आता जर ग्राहकांच्या तक्रारी आल्या तर वीज वापराच्या पडताळणी करिता कंपन्यांनी बसवलेली मीटर तपासण्याची ही तरतूद करण्यात आलेली आहे.

 इलेक्ट्रिक वाहन चार्ज करण्यासाठी नवीन वीज कनेक्शन?

नवीन नियमानुसार पाहिले तर ग्राहकांना आता त्यांची इलेक्ट्रिक वाहने चार्ज करायचे असतील तर वेगळे वीज कनेक्शन मिळू शकणार आहे. याशिवाय सरकारी गृहनिर्माण संस्था, बहुमजली इमारती तसेच निवासी  इत्यादींमध्ये राहणाऱ्या लोकांकरिता वितरण परवानाधारकाकडून सर्वांसाठी एक तर वैयक्तिक कनेक्शन किंवा संपूर्ण कॉम्प्लेक्सकरिता सिंगल पॉइंट कनेक्शन निवडण्याचा पर्याय असणार आहे.

 सरकारच्या माध्यमातून शिथिल करण्यात आले हे नियम

ऊर्जा मंत्रालयाच्या माध्यमातून सांगण्यात आले आहे की, या सुधारणेनंतर आता छतावर सौर ऊर्जा युनिट्स बसवण्याची प्रक्रिया देखील सोपी होणार आहे. तसेच बहुमजली इमारतीमध्ये राहणाऱ्या ग्राहकांना देखील कनेक्शनचा प्रकार निवडण्याचा अधिकार देण्यात आला आहे.

यासोबतच रहिवासी सोसायटी तसेच कॉमन एरिया आणि बॅकअप जनरेटरसाठी वेगळे बिलिंग निश्चित करण्यात आले असून त्यामुळे पारदर्शकता येणार आहे.

या पुनरावृत्तीमुळे आता रूप-टॉप सोलर सिस्टिम पासून सोपे होणार आहे. दहा किलोवॅट पर्यंत सौर यंत्रणा बसवायची असेल तर त्याकरिता आता टेक्निकल रिसर्च ची गरज भासणार नाही. यापेक्षा जर जास्त क्षमतेचे सौर यंत्रणा बसवायचे असेल तर त्याची व्यवहार्यता अभ्यासाची मुदत वीस दिवसांऐवजी आता पंधरा दिवस करण्यात आली आहे.