Post Office
Post Office : पोस्ट ऑफिस ग्राहकांना बचतीची सुविधा प्रदान करते. पोस्टाच्या योजनांमध्ये गुंतवणूक करून तुम्ही बचतीसह उत्तम परतावा देखील मिळवू शकता. आज आपण पोस्टाच्या अशाच एका योजेनबद्दल बोलणार आहोत, ज्यात तुम्ही अगदी छोटी रक्कम गुंतवून लाखो रुपयांचा परतावा मिळवू शकता.
पोस्ट ऑफिस आरडी देखील अशीच एक योजना आहे. आरडीचे म्हणजे ‘रिकरिंग डिपॉझिट’. यालाच आवर्ती ठेव देखील बोलतात. ही एक सुरक्षित गुंतवणूक योजना आहे ज्यात मासिक हप्त्यांमध्ये रक्कम जमा केली जाते. आणि गुंतवणूकदाराला निश्चित कालावधी नंतर ती व्याजासह परत केली जाते.
पोस्टात आरडी योजनेचा परिपक्वता कालावधी 5 वर्षांचा आहे. 5 वर्षांनंतर, तुम्ही मॅच्युअर क्लोजर करून तुमचे पैसे व्याजासह मिळवू शकता. आपण इच्छित असल्यास, ते पुढील 5 वर्षांसाठी देखील वाढवू शकता. आरडी योजनेंतर्गत, जर तुम्हाला 5 वर्षापूर्वी रक्कम काढायची असेल, तर पोस्ट ऑफिस 3 वर्षांनंतर मुदतपूर्व आरडी बंद करण्याची सुविधा देखील देते.
निर्धारित कालावधीपूर्वी ठेवीतून पैसे काढण्याच्या प्रक्रियेला ‘अकाली बंद’ असे म्हणतात. यासाठी तुमच्याकडे ठोस कारण असले पाहिजे. विवाह, शिक्षण, आरोग्य आणि व्यवसायाशी संबंधित कारणांसाठी तुम्ही मुदतपूर्व बंद करू शकता.
भारत सरकार दरवर्षी अर्थसंकल्पात पोस्ट ऑफिसने दिलेल्या कर्जावरील व्याजदरात बदल करते. आरडी योजनेअंतर्गत सध्या ६.७० टक्के व्याज दिले जात आहे. या योजनेअंतर्गत, आवर्ती ठेवींवर 6.70 टक्के व्याज दर जोडून 5 वर्षांनी रक्कम परत केली जाते.
पोस्ट ऑफिस आरडी स्कीम अंतर्गत तुम्ही दरमहा किमान 100 रुपये जमा करू शकता. यासाठी कमाल रकमेची मर्यादा निश्चित केलेली नाही. तुम्ही तुमच्या सोयीनुसार कोणत्याही रकमेचा मासिक हप्ता जमा करू शकता. भविष्यात आर्थिक संकट टाळण्यासाठी हा एक उत्तम पर्याय आहे.