Mutual Fund NFO
Mutual Fund NFO : गुंतवणूक करणाऱ्यांसाठी महत्वाची बातमी आहे. मालमत्ता व्यवस्थापन कंपनी 360 ONE MUTUAL FUND ने हायब्रीड विभागात नवीन बॅलन्स्ड हायब्रिड फंड (NFO) आणला आहे. फंड हाऊसच्या NFO 360 ONE बॅलन्स्ड हायब्रिड फंडाची सदस्यता 4 सप्टेंबरपासून सुरू झाली आहे. या योजनेसाठी गुंतवणूकदार 18 सप्टेंबर 2023 पर्यंत अर्ज करू शकतात. लक्षात घ्या ही एक ओपन एंडेड योजना आहे. यामध्ये गुंतवणूकदार त्यांना हवे तेव्हा रिडम्प्शन करू शकतात.
मालमत्ता व्यवस्थापन कंपनीच्या मते, दीर्घकालीन भांडवल वाढ/उत्पन्नासाठी ते उपयुक्त साधन ठरू शकते. ही योजना इक्विटी, इक्विटी संबंधित साधने आणि निश्चित उत्पन्न पर्यायांमध्ये गुंतवणूक करेल.
1000 पासून सुरू करा गुंतवणूक
मालमत्ता व्यवस्थापन कंपनी 360 वन म्युच्युअल फंडानुसार, तुम्ही 360 वन बॅलन्स्ड हायब्रिड फंडात किमान 1000 रुपये आणि त्यानंतर 1 रुपये पटीत गुंतवणूक सुरू करू शकता. या योजनेत, वाटपाच्या तारखेच्या एक वर्ष आधी रीडम्प्शन/एक्झिटवर 1% एक्झिट लोड भरावा लागेल. मयूर पटेल आणि मिलन मूडी हे या योजनेचे निधी व्यवस्थापक आहेत. NFO चा बेंचमार्क NIFTY 50 हायब्रिड कंपोझिट डेट 50:50 निर्देशांक आहे.
कोण गुंतवणूक करू शकतो?
म्युच्युअल फंड हाऊसच्या मते, गुंतवणूकदार दीर्घकालीन संपत्ती निर्मिती आणि उत्पन्नासाठी पैसे गुंतवू शकतात. या योजनेची गुंतवणूक इक्विटी आणि इक्विटी संबंधित साधने आणि निश्चित उत्पन्न साधनांमध्ये केली जाईल. तथापि, योजना आपले गुंतवणुकीचे उद्दिष्ट साध्य करेल याची शाश्वती नाही. गुंतवणूकदार नियमित आणि थेट योजनांमध्ये गुंतवणूक करू शकतात.
हायब्रीड म्युच्युअल फंडांमध्ये, फंड हाऊस गुंतवणूकदारांचे पैसे इक्विटी आणि डेट अ‍ॅसेट क्लासेसमध्ये गुंतवते. शुद्ध इक्विटी योजनेच्या तुलनेत यामध्ये जोखीम कमी आहे. हायब्रीड म्युच्युअल फंडाच्याही वेगवेगळ्या श्रेणी असतात. यामध्ये अ‍ॅग्रेसिव्ह हायब्रिड, कंझर्व्हेटिव्ह हायब्रीड, बॅलन्स्ड हायब्रीड, डायनॅमिक अ‍ॅसेट अ‍ॅलोकेशन किंवा बॅलन्स्ड अ‍ॅडव्हांटेज, मल्टी अ‍ॅसेट अ‍ॅलोकेशन, आर्बिट्रेज आणि इक्विटी सेव्हिंग्ज स्कीम्सचा समावेश आहे.