Share Market
Share Market : शेअर मार्केटमध्ये असे अनेक स्टॉक्स आहेत, जे कमी कालावधीत गुंतवणूकदारांना उत्तम परतावा देतात. त्याच वेळी, काही स्टॉक्स असे आहेत जे दीर्घ मुदतीसाठी बंपर परतावा देतात. अशातच जर तुम्ही सध्या कमी कालावधीसाठी गुंतवणूक करण्याचा विचार करत असाल आणि चांगला परतावा मिळवू इच्छित असाल तर, आज आम्ही तुमच्यासाठी असाच एक स्टॉक घेऊन आलो आहोत, ज्याने अल्पावधीतच आपल्या गुंतवणूकदारांना चांगला परतावा दिला आहे.
आम्ही ज्या स्टॉकबद्दल बोलत आहोत त्याने नाव ऑर्किड फार्मा असे आहे. या फार्मा कंपनीच्या शेअरमध्ये गेल्या तीन वर्षांत 2600 टक्क्यांहून अधिक वाढ झाली आहे. या दरम्यान हा शेअर 20 रुपयांवरून 570 रुपयांपर्यंत पोहोचला आहे.
शुक्रवारी ऑर्किड फार्माचा शेअर 0.15 टक्क्यांच्या वाढीसह 570 रुपयांवर बंद झाला. आपण कंपनीच्या शेअर्सच्या कामगिरीवर नजर टाकली तर गेल्या तीन वर्षांत त्यात कमालीची वाढ पाहायला मिळाली आहे. सुमारे तीन वर्षांपूर्वी, 6 नोव्हेंबर 2020 रोजी, BSE वर ऑर्किड फार्माच्या शेअर्स किंमत 20.83 रुपये होती. आणि आता हा शेअर 570 रुपयांवर पोहोचला आहे. अशा प्रकारे, ऑर्किड फार्मा कंपनीने गेल्या तीन वर्षांत त्यांच्या गुंतवणूकदारांना 2600 टक्क्यांहून अधिक परतावा दिला आहे.
जर एखाद्या गुंतवणूकदाराने तीन वर्षांपूर्वी या शेअरमध्ये 1 लाख रुपये गुंतवले असते तर आता त्याच्या गुंतवणुकीची रक्कम 2600% पेक्षा जास्त वाढली असती. म्हणजे 1 लाख रुपयांची गुंतवणूक 27 लाख रुपये झाली असती. अशाप्रकारे, सुमारे तीन वर्षांत गुंतवणूकदारांना 26 लाख रुपयांचा नफा झाला असता.
ऑर्किड फार्माच्या शेअरबद्दल बोलायचे तर, गेल्या पाच दिवसांत तो एक टक्क्यांहून कमी वाढला आहे. मात्र गेल्या एका महिन्यात हा शेअर 13 टक्क्यांहून अधिक वाढला आहे. गेल्या सहा महिन्यांत ऑर्किड फार्माच्या शेअरयामध्ये ५६ टक्क्यांहून अधिक वाढ झाली आहे. त्याचबरोबर या वर्षाच्या सुरुवातीपासून आतापर्यंत या शेअरच्या किमतीत 54 टक्क्यांहून अधिक वाढ झाली आहे. त्याच वेळी, एका वर्षात, ऑर्किड फार्माच्या स्टॉकने त्यांच्या गुंतवणूकदारांना 80 टक्क्यांहून अधिक परतावा दिला आहे.
तुमच्या माहितीसाठी ऑर्किड फार्मा कंपनीची स्थापना 1992 मध्ये झाली आणि ती मोठ्या प्रमाणात, फॉर्म्युलेशन आणि न्यूट्रास्युटिकल्सच्या विकास, उत्पादन आणि विपणनामध्ये गुंतलेली आहे.