Pension Scheme
Pension Scheme : भविष्यच्या दृष्टीने गुंतवणूक ही फार महत्वाची आहे. निवृत्ती नंतरचे आयुष्य आरामात जगण्यासाठी पेन्शन आपल्या जीवनात खूप महत्वाची भूमिका निभावते, म्हणूनच प्रत्येक व्यक्तीने वयाच्या ३० वर्षानंतर स्वतःसाठी योग्य पेन्शन योजना निवडावी आणि त्यात गुंतवणूक करावी. जेणेकरून भविष्यात कोणावरही अवलंबून न राहता, आयुष्य अगदी आरामात काढता येईल.
निवृत्तीनंतर जीवनशैलीत अनेक बदल होतात. या काळात नोकरीचे टेन्शन नसते. चांगले जीवन जगण्याची हीच वेळ आहे. पण पैशांची कमतरता तुमचा सुवर्णकाळ उध्वस्त करू शकते. त्यामुळे अगोदर भविष्यासाठी स्वत:ला तयार करणे महत्त्वाचे ठरते. अशा परिस्थितीत तुम्हाला पेन्शन योजना मदत करतात. ज्येष्ठ नागरिकांना स्वावलंबी बनवण्यासाठी एलआयसी अनेक योजना राबवत आहे. त्यापैकी एक म्हणजे जीवन निधी योजना (LIC जीवन निधी योजना). ही एक पारंपारिक पेन्शन योजना आहे, जी संरक्षण आणि बचत दोन्ही देते.
या पेन्शन योजनेत 20 ते 58 वर्षे वयोगटातील व्यक्ती सहज गुंतवणूक करू शकते. याचे परिपक्वतेचे वय 55 वर्षे ते 65 वर्षे आहे. यामध्ये सिंगल आणि रेग्युलर प्रीमियम पेमेंटचा पर्याय उपलब्ध आहे. गुंतवणुकीच्या 5 वर्षांसाठी पॉलिसीवर हमी जोडणी उपलब्ध आहे. बोनस 6 व्या वर्षापासून लागू आहे. यामध्ये अपघाती मृत्यू आणि अपंगत्व रायडरची सुविधाही उपलब्ध आहे. या पेन्शनच्या रकमेवर कर आकारला जातो. भरलेला प्रीमियम आणि 1/3 मॅच्युरिटी रक्कम आयकर कायदा कलम 80C आणि 10 (10A) अंतर्गत करपात्र आहे.
यात गुंतवणूकदार वार्षिक, मासिक, सहामाही आणि त्रैमासिक मोडमध्ये प्रीमियम भरू शकतात. वार्षिक प्रीमियम रुपये 26,503, सहामाही प्रीमियम रुपये 13,393, त्रैमासिक प्रीमियम रुपये 6,766 आणि मासिक प्रीमियम रुपये 2,255 आहे. यानुसार, पॉलिसीधारकाला दररोज सुमारे 72 रुपये वाचवावे लागतील. मॅच्युरिटीनंतर तुम्हाला सुमारे 28 हजार रुपये मासिक पेन्शन मिळते.