Post Office
Post Office : सुरक्षित गुंतवणुकीसाठी पोस्टच्या योजना उत्तम मानल्या जातात. पोस्टाद्वारे अनेक बचत योजना राबवल्या जातात. अशातच पोस्ट ऑफिसद्वारे एक विशेष योजना चालवली जाते, ज्याद्वारे पती-पत्नी दोघे मिळून वार्षिक 59400 रुपये कमवू शकतात. या योजनेचे नाव आहे पोस्ट ऑफिस मासिक बचत योजना असे आहे, ज्याद्वारे तुम्हाला दरमहा निश्चित उत्पन्न मिळते. जर आपण मासिक कमाईबद्दल बोललो तर आपण दरमहा 4950 रुपये कमवू शकता.
पोस्ट ऑफिस मंथली सेव्हिंग स्कीम अंतर्गत पत्नी आणि पती मिळून दरमहा कमाई करू शकतात. यामध्ये तुम्ही संयुक्त खाते देखील उघडू शकता. आज आपण या योजनेत दुहेरी फायदा कसा मिळेल? हे जाणून घेणार आहोत. चला तर मग…
या योजनेत, संयुक्त खात्याद्वारे तुमचा नफा दुप्पट होतो. आज आपण या विशेष योजनेची संपूर्ण माहिती जाणून घेणार आहोत, या योजनेत सहभागी होऊन पती-पत्नी या योजनेद्वारे वार्षिक ५९,४०० रुपयांपर्यंत कमाई कशी करू शकतात.
काय आहे MIS योजना?
एमआयएस योजनेंतर्गत उघडलेली खाती एकल आणि संयुक्त दोन्हीही उघडता येतात. वैयक्तिक खाते उघडताना, तुम्ही या योजनेत किमान 1,000 आणि कमाल 4.5 लाख गुंतवू शकता. परंतु, संयुक्त खात्यात जास्तीत जास्त 9 लाख रुपये जमा केले जाऊ शकतात. सेवानिवृत्त कर्मचारी आणि ज्येष्ठ नागरिकांसाठी ही योजना अतिशय फायदेशीर आहे.
फायदे काय आहेत?
MIS ची चांगली गोष्ट म्हणजे दोन किंवा तीन लोक संयुक्त खाते उघडू शकतात. या खात्यातून मिळणारे उत्पन्न प्रत्येक सदस्याला समान दिले जाते. संयुक्त खाते कधीही एकल खात्यात रूपांतरित केले जाऊ शकते. एकल खाते देखील संयुक्त खात्यात रूपांतरित केले जाऊ शकते. खात्यात कोणताही बदल करण्यासाठी, सर्व खाते सदस्यांना संयुक्त अर्ज द्यावा लागेल.