Post Office Superhit Scheme : पोस्ट ऑफिसच्या ‘या’ गुंतवणूक योजनेचा दुहेरी फायदा, बचतीसह कर्जाचीही सुविधा !

Post Office Superhit Scheme : पोस्ट ऑफिसद्वारे अनेक लहान बचत योजना चालवल्या जातात. ज्या लोकांच्या गरजा लक्षात घेऊन तयार करण्यात आल्या आहेत. आज आम्ही पोस्टाची अशीच एक योजना सांगणार आहोत, जिथे तुम्हाला दुहेरी लाभ मिळतात. या योजनेत तुम्ही बचत करून लाखोंची कमाई करू शकता, तसेच तुम्हाला येथे कर्जाची देखील सुविधा मिळते.

आम्ही पोस्ट ऑफिसच्या आरडी स्कीमबद्दल बोलत आहोत, या योजनेत मासिक ठराविक रक्कम जमा करावी लागते. पोस्ट ऑफिसच्या आरडी स्कीममध्ये ६.७ टक्के दराने व्याज दिले जात आहे. पोस्ट ऑफिसच्या आरडी स्कीममध्ये खाते उघडून तुम्हाला हमी व्याज मिळू शकते. तसेच गरज भासल्यास तुम्ही कमी खर्चात कर्जही घेऊ शकता.

पोस्ट ऑफिसच्या आरडी स्कीममध्ये 100 रुपयांची मासिक गुंतवणूक करून तुम्ही खाते उघडू शकता. यामध्ये कमाल ठेवींवर मर्यादा नाही. RD मध्ये, तुम्ही 3 वर्षांनी प्री-मॅच्युरिटीवर पैसे काढू शकता. याशिवाय, मॅच्युरिटीनंतर खाते आणखी 5 वर्षांसाठी वाढवण्याची सुविधा देखील आहे.

पोस्ट ऑफिस आरडीमध्ये कर्जाची सुविधा

पोस्ट ऑफिसच्या वेबसाइटनुसार, आरडी खात्यात 12 हप्ते जमा केले असल्यास आणि खाते 1 वर्ष चालू झाल्यानंतर खाते बंद केले नसल्यास खातेधारकांना कर्ज मिळते. नियमांनुसार, RD मधील विद्यमान शिल्लक रकमेच्या 50 टक्क्यांपर्यंत कर्ज मिळते. कर्जाची एकरकमी रक्कम समान हप्त्यांमध्ये उपलब्ध आहे.

स्वस्त कर्ज

पोस्ट ऑफिस RD वर कर्ज घेण्याचे व्याजदर बँकांकडून घेतलेल्या वैयक्तिक कर्जापेक्षा कमी आहेत. नियमांनुसार, आरडी खात्यावर मिळणाऱ्या व्याजदरापेक्षा 2 टक्के जास्त आहे. सध्या पोस्ट ऑफिस RD वर वार्षिक व्याज दर 6.7 टक्के आहे. तुम्ही कर्ज घेतल्यास, तुम्हाला ८.७ टक्के दराने कर्ज मिळते.

RD वरील कर्जाच्या बाबतीत, कर्जाची रक्कम वितरित केल्याच्या तारखेपासून कर्जाची परतफेड करण्याच्या तारखेपर्यंत व्याजाची गणना केली जाईल. RD चा परिपक्वता कालावधी 5 वर्षे आहे. जर मॅच्युरिटी कालावधी पूर्ण होईपर्यंत कर्ज दिले नाही, तर आरडी खात्याच्या मॅच्युरिटी मूल्यातून कर्ज आणि व्याज वजा केले जाते.