RBI Decision : बँक ऑफ बडोदाच्या ग्राहकांसाठी महत्वाची बातमी; आरबीआयने केली मोठी कारवाई !

RBI Decision : भारतीय रिझर्व्ह बँक (RBI) ने बँक ऑफ बडोदावर मोठी कारवाई केली आहे. तुम्ही देखील बँक ऑफ बडोदाचे ग्राहक असाल तर ही बातमी तुमच्यासाठी महत्वाचे ठरेल. RBI ने बँक ऑफ बडोदाच्या ‘BoB वर्ल्ड’ मोबाईल अ‍ॅपवर नवीन ग्राहक जोडण्यास बंदी घातली आहे. BoB ला तात्काळ प्रभावाने नवीन ग्राहक जोडण्यास बंदी घालण्यात आली आहे. या आदेशानंतर नवीन ग्राहक ‘BoB वर्ल्ड’ अ‍ॅपमध्ये सहभागी होऊ शकणार नाहीत.

यावर रिझव्‍‌र्ह बँकेने सांगितले की, अर्जावर ग्राहक ज्या प्रकारे ऑनबोर्ड होते त्याबाबत काही चिंता आढळून आल्यानंतर ही कारवाई करण्यात आली. आरबीआयचा हा आदेश तात्काळ लागू झाला आहे.

आरबीआयने जारी केलेल्या निवेदनानुसार, ‘भारतीय रिझर्व्ह बँकेने, आपल्या अधिकाराचा वापर करून, बँक ऑफ बडोदाला ‘BoB वर्ल्ड’ मोबाइल अ‍ॅपवर अधिक ग्राहक जोडण्याची प्रक्रिया तात्काळ स्थगित करण्याचे निर्देश दिले आहेत. आरबीआयने हे पाऊल बँकिंग रेग्युलेशन अ‍ॅक्ट, 1949 च्या कलम 35A अंतर्गत उचलले आहे. निवेदनात म्हटले आहे की, ‘BoB वर्ल्ड’ अ‍ॅपवर बँकेचे ग्राहक जोडण्याची कोणतीही प्रक्रिया बँकेने आढळलेल्या त्रुटी दूर केल्यानंतरच होईल. यासाठी बँक ऑफ बडोदाला संबंधित प्रक्रिया मजबूत करण्यासाठी आणि आरबीआयचे समाधान करण्यासाठी पावले उचलावी लागतील.’

बँक ऑफ बडोदाच्या विद्यमान ग्राहकांचे काय?

या निलंबनामुळे विद्यमान ‘BoB वर्ल्ड’ ग्राहकांना कोणतीही अडचण येणार नाही याची काळजी घेण्यास बँकेला सांगण्यात आल्याचे आरबीआयने म्हटले आहे.

जुलै 2023 मध्ये बँक ऑफ बडोदावर आरोप करण्यात आले होते

यापूर्वी, जुलै 2023 मध्ये, मीडिया रिपोर्ट्समध्ये असे म्हटले होते की, BoB वर्ल्ड ग्राहकांच्या खात्यांशी छेडछाड करण्यात गुंतले होते. या सरकारी कर्जदात्याने मोबाईल ऍप्लिकेशन नोंदणीची संख्या वाढवण्यासाठी वेगवेगळ्या लोकांच्या संपर्क तपशीलांशी लिंक केल्याचा आरोप या अहवालात करण्यात आला आहे. तथापि, यावर बँक ऑफ बडोदाने म्हटले आहे की अ‍ॅप नोंदणीला प्रोत्साहन देण्यासाठी अनधिकृत किंवा ग्राहक नसलेले मोबाईल नंबर जोडण्याची चर्चा तथ्यात्मकपणे चुकीची आहे. बँक ऑफ बडोदाने असेही म्हटले आहे की कोणत्याही ग्राहकाचा एकच मोबाईल नंबर बँकेच्या मोबाईल ऍप्लिकेशन, BoB वर्ल्डसह अनेक बँक खात्यांशी जोडला जाऊ शकत नाही.

BOB वर्ल्ड कसे काम करते?

BOB वर्ल्ड इंटरनेट हे बँक ऑफ बडोदा द्वारे त्यांच्या किरकोळ आणि कॉर्पोरेट ग्राहकांसाठी लागू केलेले इंटरनेट बँकिंग ऍप्लिकेशन आहे. हे ग्राहकांच्या सर्व बँकिंग गरजा पूर्ण करण्यासाठी विशेषतः डिझाइन केलेले अ‍ॅप आहे