RBI Penalty
RBI Penalty : भारतीय रिझर्व्ह बँकेने स्टेट बँक ऑफ इंडियासह काही बँकांना दंड ठोठवाला आहे. या तीन बँकांनी नियमांकडे दुर्लक्ष केल्यामुळे सार्वजनिक क्षेत्रातील या बँकांवर मोठा दंड ठोठावण्यात आला आहे. दंड ठोठावण्यात आलेल्या बँकांमध्ये मोठ्या नावांचा समावेश आहे. आरबीआयने सार्वजनिक क्षेत्रातील स्टेट बँक ऑफ इंडिया (SBI), इंडियन बँक आणि पंजाब अँड सिंध बँकेला मार्गदर्शक तत्त्वांशी संबंधित तरतुदींचे पालन न केल्याबद्दल नोटीस बजावली आहे.
एसबीआयने 1.3 कोटी रुपयांचा दंड ठोठावला
देशातील सर्वात मोठी सार्वजनिक बँक एसबीआयला केंद्रीय बँकेने 1.3 कोटी रुपयांचा दंड ठोठावला आहे. ‘कर्ज आणि अ‍ॅडव्हान्सेस वैधानिक आणि इतर निर्बंध’ आणि आंतर-समूह व्यवहार आणि कर्जाच्या व्यवस्थापनाबाबत जारी केलेल्या सूचनांच्या काही तरतुदींचे पालन न केल्याबद्दल हा आर्थिक दंड लावण्यात आला आहे.
आरबीआयने आणखी एका निवेदनात म्हटले आहे की, ‘कर्ज आणि अग्रिम वैधानिक आणि इतर निर्बंध’, अ‍ॅडव्हान्सेस केवायसी आणि रिझर्व्ह बँक ऑफ इंडिया (ठेवांवर व्याज दर) निर्देश, 2016 च्या काही तरतुदींचे पालन न केल्याबद्दल भारतीय बँकेला (आरबीआय) दंड ठोठावण्यात आला आहे. बँकेला १.६२ कोटी रुपयांचा दंड ठोठावण्यात आला आहे.
याशिवाय पंजाब आणि सिंध बँकेला एक कोटी रुपयांचा दंड ठोठावण्यात आला आहे. ठेवीदार शिक्षण आणि जागरूकता निधी योजनेतील काही तरतुदींचे पालन न केल्यामुळे हा दंड ठोठावण्यात आला आहे.
केंद्रीय बँकेने Fedbank Financial Services Ltd. (Fedbank Financial Services) ला 8.80 लाख रुपयांचा दंडही ठोठावण्यात आला आहे. नॉन-बँकिंग फायनान्स कंपन्यांमध्ये (NBFC) फसवणूक रोखण्याशी संबंधित काही तरतुदींचे पालन न केल्याबद्दल दंड आकारण्यात आला आहे. चांगली गोष्ट म्हणजे आरबीआयच्या या निर्णयामुळे बँक ग्राहकांवर कोणताही परिणाम होणार नाही.