Savings Account
Savings Account : आर्थिक प्रवास सुरु होताच, आपण प्रथम पाऊल उचलतो ते म्हणजे बचत खाते उघडून. बचत खाते तुम्हाला पैसे साठवण्याची सुविधा देते. बचत खाते तुम्ही पोस्ट किंवा बँकामध्ये उघडू शकता. दोन्ही ठिकाणी तुम्हाला याची सुविधा मिळते. दोन्हीकडे बचत खाते उघडण्याचे फायदे वेगवेगळे आहेत. बचत खाते वापरण्याचे अनेक फायदे आहेत, जे क्वचितच कोणाला माहिती असतील. पण ज्यांना बचत खात्याचे फायदे माहिती नसतील त्यांच्यासाठी ही बातमी फायद्यची ठरेल.
आजकाल लहान मुलांपासून ते सर्वांचेच बचत खाते आहे. बचत खात्यात तुमचे पैसे केवळ सुरक्षितच नाहीत तर कमी दरात तुम्हाला परतावा देखील मिळतो. तुम्ही तुमच्या बचत खात्यातून सहज पैसे जमा किंवा काढू शकता. तथापि, बचत खाते ही गुंतवणूक नाही, म्हणून तज्ञ त्यात फक्त अतिरिक्त निधी ठेवण्याचा सल्ला देतात.
बचत खाते हे एकमेव खाते आहे जे तुम्हाला कोणत्याही परिस्थितीत सरासरी शिल्लक असतानाही योग्य व्याज देते. जर तुम्हाला या व्याजाची रक्कम वाढवायची असेल तर बचत खात्यातील शिल्लक वाढवत रहा.
इतर फायद्यांमध्ये स्वयंचलित बिल पेमेंट, स्वीप इन फॅसिलिटी, डिजिटल पेमेंट, प्रमोशनल ऑफर, विमा, टॅक्स रिटर्न, आंतरराष्ट्रीय डेबिट कार्ड, डीमॅट खाते आणि क्रेडिट कार्ड सुविधा यांचा समावेश आहे. तुम्ही बचत खात्यावर खाली नमूद केलेल्या फायद्यांचा लाभ घेऊ शकता.
बचत खात्याचे फायदे :-
-बचत बँक खाते अतिरिक्त निधी ठेवण्यासाठी सुरक्षित आहे.
-बचत खात्यात ठेवलेल्या रकमेवर तुम्हाला व्याज मिळते.
-व्याज दर वार्षिक 3% ते 6.50% पर्यंत असू शकतात.
-तुम्ही तुमचे डेबिट कार्ड संपूर्ण भारतातील कुठल्याही एटीएममध्ये वापरू शकता
-यात इंटरनेट बँकिंग आणि मोबाईल बँकिंगचीही सुविधा आहे.
-लॉकर भाड्याच्या सुविधेत सवलत उपलब्ध आहे.
-काही बँका वैयक्तिक अपघात आणि मृत्यू संरक्षणासह विमा संरक्षण प्रदान करतात.
बचत खात्यात चांगली शिल्लक आणि चांगला आर्थिक इतिहास असल्यास, क्रेडिट कार्ड मिळणे देखील सोपे आहे. क्रेडिट कार्ड तुमचा क्रेडिट इतिहास किंवा CIBIL स्कोर मजबूत करते. यामुळे तुम्हाला कर्ज मिळणे सोपे होते.
याशिवाय, तुम्ही तुमचे बचत खाते कोणत्याही गतिविधीशिवाय निष्क्रिय राहू देऊ नये. तुमचे खाते फार काळ निष्क्रिय राहिल्यास किंवा बँकेच्या सूचनेनुसार तुमच्याकडून महत्त्वाची माहिती अपडेट न केल्यास बँक तुमचे खाते गोठवू शकते.