Senior Citizen Savings Scheme : ज्येष्ठ नागरिक बचत योजनेतून मुदतीपूर्वी पैसे काढण्याच्या नियमात मोठा बदल, वाचा !

Senior Citizen Savings Scheme : केंद्र सरकारने ज्येष्ठ नागरिक बचत योजनेतील पैसे काढण्याच्या नियमांमध्ये मोठा बदल केला आहे. या नियमांनुसार आता मुदतपूर्व पैसे काढल्यास, जमा केलेल्या रकमेतून कपात केली जाईल. पूर्वीच्या नियमांनुसार, खात्यातून मुदतपूर्व पैसे काढण्याच्या बाबतीत, व्याजातून रक्कम वजा करून संपूर्ण रक्कम खातेदाराला दिली जात होती.

गुंतवणुकीचा कालावधी एक वर्ष पूर्ण होण्यापूर्वी खात्यातून पैसे काढले गेल्यास, एकूण ठेवीपैकी एक टक्के रक्कम कापली जाईल. परंतु पूर्वीची वजावट फक्त एकूण ठेवीवर भरलेल्या व्याजातून केली जात होती.

पाच वर्षांचा पर्याय बंद

जर एखाद्या गुंतवणूकदाराने पाच वर्षांच्या योजनेत गुंतवणूक केली असेल आणि चार वर्षांत खाते बंद केले असेल, तरीही त्याला बचत खात्याचे फायदे मिळतील. यापूर्वी या योजनेतील व्याजदर तीन वर्षांपर्यंत लागू होते. सरकारने पाच वर्षांपर्यंतच्या गुंतवणुकीच्या कालावधीचा पर्याय काढून टाकला.

किती व्याज लागू 

ज्येष्ठ नागरिक बचत योजनेत दोन वर्षे, तीन वर्षे किंवा पाच वर्षांच्या कालावधीसाठी गुंतवणूक केली असल्यास. तुम्ही खाते उघडल्यानंतर सहा महिन्यांनंतर किंवा एक वर्षापूर्वी तुमचे खाते बंद करता, तेव्हा गुंतवलेल्या महिन्यांसाठीच व्याज दिले जाईल. पोस्ट ऑफिस बचत खात्यानुसार व्याज दिले जाईल.

सध्या, ज्येष्ठ नागरिक योजनेंतर्गत वार्षिक ८.२ टक्के व्याज मिळते. खाते वेळेपूर्वी बंद केल्यावर, बचत खात्याचा व्याज दर लागू होईल, जो चार टक्के आहे.

महत्वाचे बदल

-तुम्ही सहा महिन्यांपूर्वी खाते बंद करू शकणार नाही

-तुम्ही एक वर्षापूर्वी बंद केल्यास व्याजदर बदलेल.

-खाते तीन वर्षांसाठी वाढवता येईल.