Senior Citizen
Senior Citizen : रेपो दरामध्ये सातत्याने बदल होत आहेत, याचा परिणाम बँक एफडीवर होताना दिसत आहे. अनेक बँका आपल्या एफडी व्याजदरांमध्ये बदल करताना दिसत आहेत. सध्या अशा अनेक खाजगी क्षेत्रातील बँका आहेत ज्या तीन वर्षांच्या कालावधीसह ज्येष्ठ नागरिक मुदत ठेवींवर (FDs) ८.१% पर्यंत व्याजदर देतात. हे व्याजदर 2 कोटी रुपयांपेक्षा कमी FD रकमेवर लागू आहेत. आज आम्ही अशाच बँकांबद्दल सांगणार आहोत, ज्या ज्येष्ठ नागरिकांना सर्वाधिक व्याजदर ऑफर करत आहेत.
डीसीबी बँक
DCB बँक 26 महिने ते 37 महिन्यांपेक्षा कमी कालावधीच्या मुदतीच्या FD वर ज्येष्ठ नागरिकांना 8.1% व्याज दर देत आहे. सध्या ही बँक एफडीवर सार्वधिक परतावा ऑफर करत आहे. जर तुम्हाला चांगला परतावा हवा असेल तर तुम्ही येथे गुंतवणूक करू शकता.
आरबीएल बँक
RBL बँक 24 महिने 1 दिवस ते 36 महिन्यांच्या दरम्यान परिपक्व झालेल्या FD वर ज्येष्ठ नागरिकांना 8% व्याज दर ऑफर करत आहे. बँकेचे नियमित दर पाहण्यासाठी तुम्ही बँकेच्या अधिकृत वेबसाईटला भेट देऊ शकता.
इंडसइंड बँक
IndusInd बँक 2 वर्षे 9 महिने ते 3 वर्षे 3 महिन्यांच्या दरम्यान परिपक्व होणाऱ्या एफडीवर ज्येष्ठ नागरिकांना 8% व्याज दर देते.
IDFC बँक
IDFC बँक 2 वर्षे, 1 दिवस ते 3 वर्षांच्या दरम्यान परिपक्व झालेल्या FD वर ज्येष्ठ नागरिकांना 7.75% व्याज दर देते.
आयसीआयसीआय बँक
ICICI बँक ज्येष्ठ नागरिकांना 2 वर्ष 1 दिवस ते 3 वर्षांच्या दरम्यानच्या FD वर 7.5% व्याज दर देते.
ज्येष्ठ नागरिकांच्या FD वर TDS कधी कापला जातो?
FD मध्ये गुंतवणूक करणार्‍या ज्येष्ठ नागरिकांनी हे लक्षात घ्यावे की एखाद्या विशिष्ट बँकेतील सर्व FD चे व्याज उत्पन्न 50,000 पेक्षा जास्त असल्यास, बँक अशावर कर वजा (TDS) करेल. सध्या टीडीएसचा दर १० टक्के आहे.
तथापि, एखाद्या ज्येष्ठ नागरिकाने आपला स्थायी खाते क्रमांक (पॅन) न दिल्यास, टीडीएस दर 20% आहे. एक दिलासा असा आहे की जर ज्येष्ठ नागरिकाचे एकूण उत्पन्न मूळ सूट मर्यादेपेक्षा जास्त नसेल, तर तो बँकांकडे फॉर्म 15H सबमिट करू शकतो जेणेकरून TDS कापला जाणार नाही.