Sukanya Samriddhi Yojana : लाखो कमावण्याची संधी! आजच सुरु करा ‘ही’ योजना, मिळेल तिप्पट फायदा

Sukanya Samriddhi Yojana : अनेकजण आपल्या मुलांच्या भविष्यासाठी वेगवेगळ्या योजनांमध्ये गुंतवणूक करतात. काही योजनांमध्ये जबरदस्त परतावा दिला जातो. या योजनांमध्ये व्याज देखील चांगले मिळते.

समजा एखाद्या गुंतवणूकदाराने आपल्या मुलीच्या जन्मानंतर लगेचच सुकन्या समृद्धी खाते उघडले तर तो या योजनेत 15 वर्षांसाठी पैसे जमा करू शकतो. मुलगी 18 वर्षांची झाल्यानंतर मॅच्युरिटी रकमेच्या 50% रक्कम काढली जाते. मुलगी 21 वर्षांची झाल्यावर उरलेली रक्कम काढता येते.

जर तुम्ही ही योजना सुरु केली तर तुम्हाला या योजनेंतर्गत खाते चालू करून तुमच्या मुलीच्या शिक्षणापासून लग्नापर्यंतचा ताण दूर करता येईल किंवा कमी करता येईल. सध्या यामध्ये गुंतवणुकीवर 8 टक्के दराने व्याज दिले जात आहे. एका आकडेवारीनुसार, या योजनेअंतर्गत आतापर्यंत 3 कोटींपेक्षा जास्त सुकन्या समृद्धी खाती उघडली आहे.

ही योजना 2015 मध्ये सुरू केली होती. या योजनेचे सर्वात मोठे वैशिष्ट्य म्हणजे या योजनेटमध्ये तुम्हाला वार्षिक 250 ते 1.50 लाख रुपये जमा करता येतात. या योजनेंतर्गत 10 वर्षांखालील मुलींचे खाते त्यांच्या पालकांच्या नावावर उघडण्यात येते, मुलीच्या पालकांना केवळ सुरुवातीच्या 15 वर्षांसाठी पैसे जमा करावे लागत असून ते 21 वर्षात परिपक्व होते. हे लक्षात घ्या मुलीच्या पालकाला पुढील सहा वर्षांसाठी पैसे जमा करण्याची गरज पडत नाही.

या योजनेचा मॅच्युरिटी कालावधी 21 वर्षे असून यानंतर, या खात्यातून संपूर्ण रक्कम काढण्यात येते. परंतु 18 वर्षांची झाल्यानंतर, सुकन्या खात्यातून तुम्ही तुमच्या मुलीच्या शिक्षणासाठी 50% पैसे काढू शकतात.

जाणून घ्या योजनेचे गणित

• वार्षिक 250 रुपये जमा केले तर 15 वर्षांनंतर तुमची एकूण ठेव 3750 रुपये होईल आणि 21 वर्षांनंतर तुम्हाला 11,634 रुपये मिळतील.
• तसेच 15 वर्षांनी वार्षिक 500 रुपये जमा केले तर तुमची एकूण ठेव 7500 रुपये इतकी होऊन 21 वर्षानंतर तुम्हाला 23,267 रुपये मिळतील.
• तर दुसरीकडे, जर तुम्ही वार्षिक ₹ 1,000 जमा केल्यास तर 15 वर्षांनंतर तुमची एकूण ठेव रक्कम 15,000 रुपये होईल आणि 21 वर्षांनंतर तुम्हाला 46,534 रुपये मिळतील.
• समजा तुम्ही वार्षिक ₹ 2,000 जमा केल्यास 15 वर्षांनंतर तुमची एकूण ठेव 30,000 रुपये होऊन 21 वर्षांनंतर तुम्हाला 93,068 रुपये मिळतील.
• तुम्ही वार्षिक ₹3,000 जमा केले तर 15 वर्षांनंतर तुमची एकूण ठेव 45,000 रुपये होऊन 21 वर्षांनंतर तुम्हाला 1.4 लाख रुपये मिळतील.
• वार्षिक 5,000 रुपये जमा केले तर 15 वर्षांनंतर तुमची एकूण ठेव 75000 रुपये होऊन 21 वर्षांनंतर तुम्हाला 2.33 लाख रुपये मिळतात.
• वार्षिक 10,000 जमा केले तर 15 वर्षांनंतर तुमची एकूण जमा रक्कम रु. 1.50 लाख होईल आणि 21 वर्षांनंतर तुम्हाला रु. 4.65 लाख मिळतील.
• दुसरीकडे, वार्षिक 12,000 रुपये जमा केले तर 15 वर्षांनंतर तुमची एकूण ठेव रक्कम 1.80 होऊन 21 वर्षांनंतर तुम्हाला 5.58 लाख रुपये मिळतील.
• जर तुम्ही वार्षिक 50,000 रुपये जमा केले तर, 15 वर्षांनंतर तुमची एकूण ठेव ₹7.50 लाख होईल आणि 21 वर्षांनंतर तुम्हाला 23.27 लाख रुपये मिळतील.
• तसेच वार्षिक ₹ 1,50,000 जमा केले तर 15 वर्षानंतर तुमची एकूण ठेव रक्कम 22.50 लाख रुपये होईल आणि 21 वर्षानंतर तुम्हाला 69.80 लाख रुपये मिळतात.