Withdraw Money from ATM
Withdraw Money from ATM : भारत हा देश डिजिटल बँकिंगच्या बाबतील खूप पुढे गेला आहे. कारण देशात सर्वात व्यवसाय हे ऑनलाईन पद्धतीने होत असतात. त्यामुळे सर्वांचा बँकेत जाण्याचा वेळ वाचला आहे.
तुम्ही देखील पैसे काढण्यासाठी एटीएम मशीनचा वापर करत असाल. पण तुम्हाला माहित आहे का तुम्ही एका दिवसात एटीएम मशीनमधून किती पैसे काढू शकता? वेगवेगळ्या बँकांचे/कार्डचे याबाबत वेगवेगळे नियम आहेत. त्यामुळे आम्ही तुम्हाला देशातील काही प्रमुख बँकांचे रोजचे पैसे काढण्याचे नियम सांगत आहोत.
रोख पैसे काढण्यासाठी आणि खरेदी व्यवहारांसाठी तुमची RuPay कार्ड मर्यादा बँकेवर अवलंबून असते. याव्यतिरिक्त, बँका एटीएम आणि पीओएस मशीनच्या व्यवहारांसाठी दैनंदिन मर्यादा देखील लागू करतात आणि हे कार्डच्या प्रकारानुसार बदलू शकतात.
रुपे डेबिट कार्डचे प्रकार
बँकांच्या वेबसाइट्सनुसार डेबिट कार्डचे दररोजचे व्यवहार जाणून घ्या.
SBI रुपे कार्ड मर्यादा
SBI ची देशांतर्गत ATM वर किमान व्यवहार मर्यादा 100 रुपये आणि कमाल व्यवहार मर्यादा 40 हजार रुपये आहे. दैनंदिन ऑनलाइन व्यवहाराची कमाल मर्यादा 75 हजार रुपये आहे.
HDFC बँक रुपे प्रीमियम मर्यादा
घरगुती एटीएममधून पैसे काढण्याची दैनंदिन मर्यादा 25,000 रुपये निश्चित करण्यात आली आहे. दैनंदिन घरगुती खरेदी मर्यादा 2.75 लाख रुपये आहे. एचडीएफसी बँकेच्या डेबिट कार्डवर प्रतिदिन 2000 रुपयांच्या कमाल मर्यादेसह व्यापारीक (POS) येथे रोख पैसे काढण्याची सुविधा मिळू शकते.
PNB रुपे कार्डच्या मर्यादा
PNB Rupay NCMC प्लॅटिनम डेबिट कार्डवर दररोज एटीएम मर्यादा रुपये 1 लाख आणि POS/Ecom एकत्रित मर्यादा 3 लाख रुपये प्रतिदिन आहे.
PNB ने पैसे काढण्याची कमाल मर्यादा निश्चित केली आहे. बँकेने पीएनबी एटीएमवर 15,000 रुपये आणि इतर बँकेच्या एटीएमवर 10,000 रुपये निश्चित केले आहेत.
येस बँक रुपे प्लॅटिनम कार्ड
येस बँकेची दैनंदिन रोख काढण्याची मर्यादा 25,000 रुपये आणि POS वर दैनंदिन खरेदीची मर्यादा 25,000 रुपये निश्चित करण्यात आली आहे. पगारदार ग्राहकांसाठी, एटीएम आणि पीओएस मधील व्यवहार मर्यादा 75,000 रुपये आहे. अशा प्रकारे तुम्ही एटीएममधून पैसे काढण्यासाठी जाणार असाल तर या नियमांचा तुम्हाला नक्कीच फायदा होणार आहे.