IPL 2023: IPL 2023 उद्यापासून म्हणजेच 31 मार्चपासून सुरू होणार आहे. यावेळी चेन्नई सुपर किंग्ज आणि गुजरात टायटन्स यांच्यात IPL 2023 चा पहिला सामना होणार आहे. मात्र IPL 2023 सुरु होण्याच्या एका दिवस आधी मॅच फिक्सिंगची मोठी बातमी समोर आली आहे. यामुळे आता अनेक चर्चांना उधाण आले आहे.
अहमदाबादचे नरेंद्र मोदी क्रिकेट स्टेडियम आयपीएलच्या 16 व्या हंगामाच्या उद्घाटन सामन्यासाठी सज्ज आहे. गुजरात टायटन्स आणि चेन्नई सुपर किंग्जचे खेळाडू शुक्रवारी, 31 मार्च रोजी एकमेकांशी भिडतील, तेव्हा चाहत्यांचा रोमांच देखील शिगेला असेल. गुजरातची कमान अष्टपैलू हार्दिक पांड्याकडे आहे तर चेन्नईची कर्णधार महेंद्रसिंग धोनी सांभाळत आहे.
सर्वात मोठा क्रिकेट कार्निव्हल म्हटल्या जाणार्‍या आयपीएलवर बुकी आणि मॅच फिक्सर्सचीही नजर असते. बुकी दररोज किमान 600 कोटींचा नफा कमावण्याच्या तयारीत आहेत. इनसाइडस्पोर्टच्या म्हणण्यानुसार, आंतरराष्ट्रीय सट्टेबाजी कार्टेलमधील सट्टेबाजांनी दुबई आणि कराचीमध्येही सट्टेबाजी सुरू केली आहे, ज्यामध्ये भारतातील मोठ्या शहरांमधून खूप पैसा गुंतवला गेला आहे. यामध्ये दिल्ली, मुंबई, अहमदाबाद, भोपाळ आणि हैदराबादसारख्या मोठ्या शहरांचा समावेश आहे. सट्टेबाजीसाठी त्यांनी सट्टेबाजांना कोडही दिले आहेत.
मुंबई पोलिसांच्या गुन्हे शाखेने 18 क्रिकेट बेटिंग अॅप्स आणि 60 बुकींचे नेटवर्क उघडकीस आणले आहे जे बुकी चालवत आहेत. हे अॅप तुम्हाला आयपीएल गेम्सवर सट्टा लावू देते. गेल्या नोव्हेंबरमध्ये इंग्लंड-पाकिस्तान टी-20 विश्वचषकाच्या अंतिम सामन्यादरम्यान दादरच्या हॉटेलवरही छापे टाकण्यात आले होते. त्यानंतर मुंबई पोलिसांच्या एंटी एक्सटॉर्शन सेलने (AEC) आंतरराज्यीय इंटरनेट बेटिंग रॅकेटचा पर्दाफाश केला होता .
हे पण वाचा :- Grah Gochar April 2023: एप्रिलमध्ये बनत आहे ‘विनाशकारी योग’ , ‘या’ लोकांच्या वाढणार अडचणी !