Yashasvi Jaiswal Struggle Story : लहानपणी सोडले घर… तंबूत घालवल्या रात्री… ते आयपीएलचा शतकवीर! असा आहे यशस्वी जयस्वाल संघर्षमय प्रवास

Yashasvi Jaiswal Struggle Story : संकटे कितीही असो मात्र अंगात जिद्द आणि चिकाटी असेल तर काहीही करणे शक्य असते हे तुम्हाला भारताचा क्रिकेटर यशस्वी जयस्वाल याची संघर्षमय कहाणी ऐकल्या नंतर समजून येईल.

भारतीय संघात असे अनेक क्रिकेट आहेत आणि होऊन गेले आहेत ज्यांनी खूप हलाखीचे दिवस काढले होते आणि क्रिकेटने त्यांचे आख्खे आयुष्य बदलून गेले आहे. राजस्थान रॉयल्स या आयपीएलच्या संघामध्ये सलामीवीर म्हणून यशस्वी जयस्वाल याने चांगलीच ओळख निर्माण केली आहे.

क्रिकेटर यशस्वी जयस्वाल याने अडचणींशी लढा देत क्रिकेट जगतामध्ये त्याचे एक वेगळे स्थान निर्माण केले आहे. चला तर जाणून घेऊया यशस्वी जयस्वाल याची संघर्षमय कहाणी…

यशस्वी जयस्वाल यांची संघर्षकथा

यशस्वी जयस्वाल याच्या यशामागे त्याची संघर्षाची कहाणी देखील दडलेली आहे. मोठा संघर्ष करून तो आज या ठिकाणी पोहोचला आहे. उत्तर प्रदेशातील जौनपूर येथून क्रिकेटपटू बनण्याचे स्वप्न घेऊन तो मुंबईत आला होता.

त्याने त्याच्या संघर्षमय जीवनाबद्दल एका मुलाखतीमध्ये सांगितले आहे. तो म्हणाला, आझाद मैदानावर तंबूत अनेक रात्री काढल्या. बंजारासारख्या तंबूत रात्र घालवणे हा एक भयानक अनुभव होता.

तेथे प्रकाश नव्हता आणि आमच्याकडे चांगल्या ठिकाणी जाण्यासाठी पुरेसे पैसे नव्हते. एवढंच, मैदानावर बांधलेल्या तंबूत आश्रयासाठीही आम्हाला कसरत करावी लागली. तंबूत झोपायला जागा मिळाली की तिथे राहणारे बाग कामगार वाईट वागायचे. कधी कधी ते मारायचे देखील.

जुने दिवस आठवले

यशस्वी जैस्वाल याने बोलताना जुन्या आठवणीबद्दल देखील सांगितले आहे. तो म्हणाला, जेव्हा मी आझाद मैदानावर तंबूत राहायचो, वानखेडेचे दिवे पाहण्याव्यतिरिक्त मला स्टेडियमचा आवाज ऐकू यायचा. मला ते दिवस आठवतात जेव्हा मी मुंबई इंडियन्सविरुद्ध शतक ठोकले होते तो क्षण खूप भावूक होता.

प्रशिक्षक ज्वाला सिंग यांनी बदलले नशीब

यशस्वी जयस्वालच्या प्रशिक्षकाने देखील त्यांच्याबद्दल काही विधाने केली आहेत. तसेच त्यांनी त्यांच्या आयुष्याबद्दल देखील काही गोष्टी सांगितल्या आहेत. प्रशिक्षक ज्वाला सिंग यांनी सांगितले की, जेव्हा मी त्याला भेटलो तेव्हा मला त्याच्यात माझी प्रतिमा दिसली.

असा क्रिकेटपटू बनण्यासाठी मी गोरखपूरहून मोठ्या शहरात आलो होतो. मी रमाकांत आचरेकर सरांकडून क्रिकेट शिकलो. मला एक रुपयासाठी अडचणींचा सामना करावा लागला. म्हणून मी जयस्वाल याला भेटलो तेव्हा मी ठरवले की या मुलाने माझ्यासारखा क्रिकेटपटू होण्याचे चुकायचे नाही. मी त्याला माझ्या घरी माझ्या जवळ ठेवण्याचे ठरवले.”

ज्वाला सिंग पुढे म्हणाले, यशस्वीला 2013 ते 2022 पर्यंत सोबत ठेवले. या दरम्यान आम्ही सर्व प्रकारचे अनुभव एकत्र पाहिले. यशस्‍वी इथपर्यंत पोहोचण्‍याचे श्रेय जेवढे मुंबई क्रिकेट असोसिएशन आणि राजस्थान रॉयल्‍सला जाते. यशस्वीमध्ये काहीतरी विशेष आहे असे मला पहिल्याच क्षणापासून जाणवत होते.

यशस्वी जयस्वालने अंडर-19 विश्वचषकात टीम इंडियाचे नेतृत्व केले होते आणि तो सर्वाधिक धावा करणारा खेळाडू होता. यानंतर हा युवा सलामीवीर राजस्थान रॉयल्समध्ये सामील झाला, तेव्हापासून तो राजस्थानसोबत आहे. फ्रँचायझीने तयार केले आणि युवा सलामीवीराला स्टार बनवले. जयस्वालने मागील २०२३ आयपीएलमध्ये 12 सामन्यांमध्ये 575 धावा केल्या आहेत.